Свята-Мікалаеўская царква (Энергетыкаў)

Свята-Мікалаеўская царква — мураваны праваслаўны храм у пасёлку Энергетыкаў Дзяржынскага раёна Мінскай вобласці. Знаходзіцца ў цэнтры пасёлка.

Славутасць
Свята-Мікалаеўская царква
53°35′01″ пн. ш. 27°03′07″ у. д.
Краіна	Беларусь
Пасёлак	Энергетыкаў
Канфесія	БПЦ
Епархія	Маладзечанская епархія
Першае згадванне	2003
Будаўніцтва	2003

Гісторыя

Грамада зарэгістравана ў 1997 годзе. У 2003 годзе быў закладзены падмурак асноўнага храма. Пры прыходзе была створана нядзельная школа і дзіцячы тэатр.

У траўні 2013 года былі ўсталяваны купалы і ўзведзены крыжы на асноўным храме.

Архітэктура

Пабудавана з сілікатнай цэглы.

Вырашана прамавугольным у плане аб'ёмам пад 2-схільным дахам, завершаным па цэнтры цыбулепадобнай галоўкай. Да фасада дабудаваны ніжэйшы прамавугольны прытвор. Фасады рытмічна расчлянёны прамавугольнымі аконнымі праёмамі ў чырвонацагляных ліштвах.

Літаратура

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Спасылкі

• Свята-Мікалаеўская царква (Энергетыкаў) на сайце Глобус Беларусі (руск.)