Свята-Уладзімірская царква (Стрыгава)

Свята-Уладзімірская царква — мураваны праваслаўны храм у аграгарадку Стрыгава Кобрынскага раёна Брэсцкай вобласці. Знаходзіцца на вул. Савецкай.

Праваслаўны храм
Свята-Уладзімірская царква
52°17′58″ пн. ш. 24°16′37″ у. д.
Краіна	Беларусь
Аграгарадок	Стрыгава
Канфесія	Праваслаўе
Епархія	Брэсцкая і Кобрынская епархія
Будаўніцтва	XX—XXI стагоддзі
Стан	дзейнічае

Гісторыя

Пабудавана на мяжы XX—XXI стагоддзяў з цэглы.

Архітэктура

Вырашана квадратным у плане аб’ёмам, пакаты шатровы дах якога завершаны цыбулепадобнай галоўкай на высокім 8-гранным барабане. Да фасада далучаны прамавугольны прытвор з лучковым перспектыўным уваходным парталам і 3-лопасцевым кілепадобным завяршэннем. Бакавыя фасады лапаткамі расчлянёны на 3 праслы з арачнымі аконнымі праёмамі і нішамі па цэнтры. З тыльнага боку далучана 3-гранная ніжэйшая апсіда.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• Свята-Уладзімірская царква (Стрыгава) на сайце Глобус Беларусі (руск.)