Святлана Іванаўна Герасіменка
Святлана Іванаўна Герасіменка (укр.: Світлана Іванівна Герасименко; нар. 23 лютага 1945, Барышаўка, Кіеўская вобласць, УССР) — савецкі і таджыкістанскі астраном, адкрывальнік Каметы Чурумава — Герасіменка, лаўрэат Дзяржаўнай прэміі Рэспублікі Таджыкістан за дасягненні ў галіне навукі і тэхнікі імя Абу Алі Ібн Сіна (Авіцэны) за 2017 год за адкрыццё Каметы Чурумава — Герасіменка [2]
| Святлана Іванаўна Герасіменка | |
|---|---|
| укр.: Світлана Іванівна Герасименко | |
 | |
| Дата нараджэння | 23 лютага 1945[1] (79 гадоў) |
| Месца нараджэння | |
| Грамадзянства | |
| Род дзейнасці | астраном |
| Навуковая сфера | астраномія |
| Навуковая ступень | кандыдат фізіка-матэматычных навук |
| Альма-матар | |
 Цытаты ў Вікіцытатніку | |
 Медыяфайлы на Вікісховішчы | |
Біяграфія правіць
Нарадзілася ў 1945 годзе ў пасёлку Барышаўка Кіеўскай вобласці ў сям’і настаўнікаў[3].
У 1968 годзе скончыла кафедру астраноміі Кіеўскага універсітэта, пасля паступіла ў аспірантуру. У верасні 1969 разам з Клімам Чурумавым, супрацоўнікам Галоўнай астранамічнай абсерваторыі НАН Украіны, адправілася ў экспедыцыю ў Алматы для назірання камет на пяцідзесяцісантымятровым тэлескопе. У ноч з 11 на 12 верасня 1969 года, назіраючы камету Комас-Сола, зрабілі фота, на якім апынулася яшчэ адна камета, якая атрымала назву па імёнах першаадкрывальнікаў — Камета Чурумава — Герасіменка.
У 1973 годзе па запрашэнні Інстытута астрафізікі Таджыкістана пераехала ў Душанбэ. Цяпер працуе навуковай супрацоўніцай гэтага інстытута, праводзіць назіранні і вывучэнне камет.
2 сакавіка 2004 года Святлана Герасіменка разам з Клімам Чурумавым прысутнічала на касмадроме Куру у Французскай Гвіяне пры запуску Еўрапейскага міжпланетнага зонда «Разета», які адправіўся да каметы Чурумава — Герасіменка. Зонд дасягнуў каметы ў лістападзе 2014 года, а 12 лістапада ад яго аддзяліўся пасадачны модуль «Філы», які выканаў 7-гадзіннае збліжэнне і на працягу інтэрвалу 18:33…20:33 па беларускім часе здзейсніў першую ў гісторыі паспяховую пасадку на камету (тры пасадкі з двума адскокамі).
Імем Святланы Герасіменка названы таксама астэроід № 3945, адкрыты ў 1982 годзе Мікалаем Чарных[4].
Зноскі
- ↑ Svetlana Gerasimenko // https://pantheon.world/profile/person/Svetlana_Gerasimenko
- ↑ Светлана Герасименко получит за свою комету госпремию Таджикистана имени Абуали ибн Сино | Новости Таджикистана ASIA-Plus (руск.)(недаступная спасылка). news.tj. Архівавана з першакрыніцы 13 ліпеня 2019. Праверана 13 ліпеня 2019.
- ↑ Анора Саркорова. Герасименко: я открыла комету случайно (руск.). Праверана 18 лістапада 2014.
- ↑ База даных MPC па малых целах Сонечнай сістэмы 3945