Сералогія

Серало́гія (ад лац.: Serum — сыроватка) — навука аб уласцівасцях сыроваткі крыві. Звычайна пад сералогіяй разумеюць профіль імуналогіі, які вывучае ўзаемадзеянне антыцелаў сыроваткі з антыгенам.

Сералагічныя рэакцыі могуць быць прамымі (двухкампанентныя) — аглютынацыя, пасіўная гемаглютынацыя, прэцыпітацыя і інш., і ўскоснымі (трохкампанентныя) — рэакцыя нейтралізацыі (напрыклад, мікроба), рэакцыя тармажэння гемаглютынацыі. З некалькіх «простых» складваюцца складаныя сералагічныя рэакцыі: бактэрыёліз, рэакцыя звязвання камлементу і інш. Распаўсюджаныя таксама імунафлюарэсцэнтныя метады, заснаваныя на афарбоўцы антыцелаў (антыгенамі) флюарахромамі. Асаблівы від сералагічныя рэакцыі — выяўленне імабілізацыі рухомых формаў мікраарганізмаў (напрыклад, рэакцыя імабілізацыі бледных трэпанем пры сіфілісе). Некаторыя сералагічныя даследаванні праводзяць не ў прабірцы, а непасрэдна ў арганізме эксперыментальных жывёл.

Літаратура

• Семяненя І. М. Сералогія // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 343. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Калі можна выкарыстоўваць сералагічныя метады (матэрыялы СААЗ)
• Serology (англ.) — Артыкул на MedlinePlus