Смаргонскі ліцейна-механічны завод

Смаргонскі ліцейна-механічны завод
Смаргонскі ліцейна-механічны завод
Заснаванне	1946
Адрас	Смаргонь;
Сайт	slmz.bos.ru

Смаргонскі ліцейна-механічны завод — прамысловае прадпрыемства, размешчанае ў горадзе Смаргонь Гродзенскай вобласці Беларусі.

Гісторыя

Прадпрыемства пачало сваю дзейнасць у 1946 годзе, як адзін з участкаў Смаргонскага райпрамкамбіната. Ліцейная вытворчасць арганізавана ў 1952 годзе. Была ўсталяваная плавільная печ ваграначнага тыпу невялікай прадукцыйнасці — адна тона вадкага металу ў гадзіну, і пачата вытворчасць дробнага чыгуннага ліцця: утулкі і калодкі колаў. Затым засвоены выпуск пячнога ліцця і каналізацыйных люкаў. У 1972 годзе быў уведзены ў эксплуатацыю вытворчы корпус ліцейнага цэха, праведзена замена маламагутнай вагранкі двума больш магутнымі печамі, прадукцыйнасцю па 5 тон вадкага металу ў гадзіну і арганізавана праца ліцейнага цэха ў двухзменным рэжыме, дзякуючы гэтаму штогод нарошчваўся аб’ём вытворчасці. У студзені 1981 года ліцейна-механічны цэх «Смаргонь» быў перайменаваны ў «Смаргонскі ліцейна-механічны завод», атрымаўшы статус прамысловага прадпрыемства^[1].

Пасля крызісу 1990-х гадоў на заводзе прыступілі да мадэрнізацыі вытворчасці. У 2005 праведзена замена абедзвюх вагранак і сістэмы ачысткі пылегазовых выкідаў. З 2001 па 2008 гады прадпрыемствам асвоены і запушчаны ў вытворчасць 35 новых відаў прадукцыі^[2]. У пачатку 2009 партыя каналізацыйных люкаў з алімпійскай сімволікай была пастаўлена ў Сочы^[3].

Прадукцыя

Люкі каналізацыйныя, люкі для кабельных калодзежаў тэлефоннай сеткі, дажджапрымальнікі;
Урны паркавыя, ножкі паркавых лавак;
Пячное ліццё (пліты, фаеркі, духоўкі, каласнікі, дзверцы, клункі);
Плітка чыгунная для падлогі, пліта трамвайная;
Рашоткі для балконаў і агародж;
Вырабы з чыгуну на заказ.

Крыніцы

↑ З гісторыі прамысловых прадпрыемстваў // Памяць: Гісторыка-дакументальная хроніка Смаргонскага раёна : Рэд. кал.: Г.П. Пашкоў (гал. рэд.) і інш.. — Мінск: БелЭн, 2004
↑ История завода (нявызн.). Официальный сайт КУП «Сморгонский литейно-механический завод». Праверана 20 жніўня 2009.
↑ Люки из Сморгони покорили Сочи (нявызн.). Белорусский партизан (23 сакавіка 2009). Архівавана з першакрыніцы 19 сакавіка 2011. Праверана 20 жніўня 2009.

Спасылкі

[pamiat-1] З гісторыі прамысловых прадпрыемстваў // Памяць: Гісторыка-дакументальная хроніка Смаргонскага раёна : Рэд. кал.: Г.П. Пашкоў (гал. рэд.) і інш.. — Мінск: БелЭн, 2004

[2] История завода (нявызн.). Официальный сайт КУП «Сморгонский литейно-механический завод». Праверана 20 жніўня 2009.

[3] Люки из Сморгони покорили Сочи (нявызн.). Белорусский партизан (23 сакавіка 2009). Архівавана з першакрыніцы 19 сакавіка 2011. Праверана 20 жніўня 2009.

[1]

[2]

[3]