Соць

Соць
Соць
	руск. Соть
Характарыстыка
Даўжыня	144 км
Басейн	1 460 км²
Расход вады	6,5 м³/с (59 км ад вусця)
Вадацёк
Выток
• Месцазнаходжанне	урочышча Мядзведкава каля вёскі Малеева ля мяжы з Валагодскай вобласцю
• Вышыня	155,7 м
• Каардынаты	58°34′09″ пн. ш. 40°07′17″ у. д.HGЯO
Вусце	Кастрамское вадасховішча
• Вышыня	84,3 м
• Каардынаты	57°58′34″ пн. ш. 40°41′50″ у. д.HGЯO
Размяшчэнне
Водная сістэма	Кастрамское вадасховішча → Кастрама → Горкаўскае вадасховішча → Волга → Каспійскае мора
Краіна	Расія;
Рэгіён	Яраслаўская вобласць
Код у ДВР	08010300212110000011566
	;
	; выток вусце
	— выток, — вусце
	Медыяфайлы на Вікісховішчы

Соць (руск.: Соть) — рака ў еўрапейскай частцы Расіі; працякае па Яраслаўскай вобласці, у верхнім цячэнні — па Першамайскім раёне, у ніжнім — на мяжы раёнаў Данілаўскага на захадзе і Любімскага на ўсходзе. Бярэ пачатак на Данілаўскім узвышшы, цячэ на паўднёвы ўсход, упадае з паўночнага захаду, побач з вусцем ракі Воньга, у Кастрамскі заліў Горкаўскага вадасховішча, да стварэння якога была правым прытокам ракі Кастрамы. Даўжыня — 144 км, плошча басейна — 1460 км². Жыўленне пераважна снегавое. Разводдзе ў красавіку — маі, у гэты час сплаўная. Сярэднегадавы расход вады — 6,5 м³/с (за 59 км ад вусця). Пад лёдам з канца кастрычніка — лістапада па красавік.

Соць пачынаецца ва ўрочышчы Мядзведкава побач з вёскай Малеева Першамайскага раёна, за адзін кіламетр ад мяжы з Валагодскай вобласцю.

У верхнім цячэнні Соць цячэ сярод высокіх лясных берагоў, шырыня ракі 8—10 метраў. У сярэднім цячэнні, ніжэй за адміністрацыйны цэнтр Першамайскага раёна пасёлка Прачыстае, размешчанага за кіламетр ад ракі, рака пашыраецца да 15—20 метраў. У верхнім і сярэднім цячэнні рака часам утварае невялікія перакаты і парожкі, цячэнне даволі хуткае. За вусцем ракі Коншы ніжэй населенага пункта Цітова пачынае адбівацца падпор вадасховішча, цячэнне значна запавольваецца, рака выходзіць на раўніну і пачынае ўтвараць вялікія лукавіны.

Каля Левінскага перасякае аўтамагістраль М8 «Масква — Халмагоры» і чыгунку Данілаў — Волагда; каля Барадзіно — чыгунку Данілаў — Любім.

Соць

Зноскі