Стаматалагічны факультэт БДМУ

Стаматалагічны факультэт БДМУ — структурнае падраздзяленне Беларускага дзяржаўнага медыцынскага ўніверсітэта.

Стаматалагічны факультэт
Беларускі дзяржаўны медыцынскі ўніверсітэт
Заснаваны	1960
Месцазнаходжанне	Беларусь, Мінск

Гісторыя

У 1926 годзе на медыцынскім факультэце Беларускага дзяржаўнага ўніверсітэта пры кафедры шпітальнай хірургіі быў арганізаваны курс аданталогіі (стаматалогіі). Кіраўніцтва курсам было ўскладзена на загадчыка кафедрай шпітальнай хірургіі, прафесара М. П. Сакалоўскага. У 1927 годзе на пасаду загадчыка курсам стаматалогіі выбраны дацэнт І. М. Старобінскі. З 1930 года курсам загадваў Ю. К. Мятліцкі, якому ў 1932 годзе было прысвоена вучонае званне дацэнта.

У адпаведнасці з загадам Міністэрства Вышэйшай адукацыі СССР № 185 ад 2 красавіка 1960 годзе на базе Мінскага медыцынскага інстытута арганізаваны стаматалагічны факультэт.

Арганізацыю і кіраўніцтва падрыхтоўкай студэнтаў-стаматолагаў абяспечвалі дэканы 1-5 курсаў лячэбнага факультэта: дацэнт кафедры гісторыі КПСС В. В. Зубец, дацэнт кафедры анатоміі П. І. Лабко, дацэнт кафедры акушэрства і гінекалогіі П. І. Касько, дацэнт 2-й кафедры хірургічных захворванняў В. Р. Астапенка, дацэнт кафедры туберкулёза М. Г. Белы, дацэнт кафедры агульнай хірургіі Л. І. Арцішэўскі, асістэнт кафедры фізічнага выхавання і ЛФК Л. М. Васільеў і асістэнт курса стаматалогіі Е. М. Івус.

У 1963 годзе курс стаматалогіі быў рэарганізаваны ў кафедру стаматалогіі, а ў 1964 годзе — у кафедру тэрапеўтычнай і артапедычнай стаматалогіі (кіраўнік — дацэнт Ю. К. Мятліцкі) і кафедру хірургічнай стаматалогіі (загадчык — дацэнт Т. В. Фокіна).

У 1966 годзе стаматалагічны факультэт выдзяляецца ў асобнае структурнае падраздзяленне інстытута. У 1966 годзе дэканам стаматалагічнага факультэта назначаны дацэнт кафедры агульнай хірургіі Л. І. Арцішэўскі.

Дэканы

• Л. І. Арцішэўскі (1966—1971)
• А. А. Хартонік (1971—1987)
• А. В. Козел (1987—1989)
• А. В. Колб (1990—2002)
• М. М. Паланейчык (2002—2007)
• І. Л. Бібік (2007)
• А. С. Ластаўка (2007—2012)
• С. М. Пархамовіч (з 2012)

Спасылкі

• Стаматалагічны факультет Архівавана 23 жніўня 2022.
• Наумович С. А., Величко Л. С. Кафедра ортопедической стоматологии Белорусского государственного медицинского университета: полувековая история, достижения, перспективы развития // Современная стоматология. № 2. 2017. — С. 14—22. (руск.)