Суд Першамайскага раёна г. Мінска
Суд Першамайскага раёна г. Мінска — раённы суд агульнай юрысдыкцыі[1] на тэрыторыі Першамайскага раёна Мінска. Размешчаны ў будынку па вуліцы Францыска Скарыны, 6Б. Да 7 чэрвеня 2021[2] года размяшчаўся ў будынку па вуліцы Талбухіна, 9.
| Суд Першамайскага раёна г. Мінска | |
|---|---|
| Від | раённы суд |
| Інстанцыя | суд першай інстанцыі |
| Юрысдыкцыя | Першамайскі раён Мінска |
| Склад | прызначаецца Прэзідэнтам Рэспублікі Беларусь па прадстаўленні Старшыні Вярхоўнага Суда Рэспублікі Беларусь |
| Тэрмін службы | 5 гадоў |
| Кіраўніцтва | |
| Старшыня | Яўген Аляксандравіч Чадзюк |
| Уступіў на пасаду | 31 снежня 2021 |
| Зала пасяджэнняў | |
| Адрас | 220076, г. Мінск, вул. Ф. Скарыны, 6Б |
Разглядае ў межах сваёй кампетэнцыі ў якасці суда першай інстанцыі і па абставінах, якія нанава адкрыліся, грамадзянскія справы, а таксама ў якасці суда першай інстанцыі крымінальныя справы і справы аб адміністрацыйных правапарушэннях; разглядае ў межах сваёй кампетэнцыі скаргі (пратэсты) на пастановы па справах аб адміністрацыйных правапарушэннях; вывучае і абагульняе судовую практыку, вядзе судовую статыстыку; ажыццяўляе іншыя паўнамоцтвы ў адпаведнасці з заканадаўчымі актамі[1].
Суд складаецца з суддзяў, у тым ліку старшыні суда, якія прызначаюцца Прэзідэнтам Рэспублікі Беларусь па прадстаўленні Старшыні Вярхоўнага Суда Рэспублікі Беларусь. Суддзі прызначаюцца на пасаду тэрмінам на пяць гадоў і могуць быць прызначаны на новы тэрмін ці бестэрмінова. Верхні ўзрост знаходжання на дзяржаўнай службе суддзяў — 65 гадоў[1].
Вышэйстаячым судом з’яўляецца Мінскі гарадскі суд[1].
Старшыні суда правіць
Зноскі
Спасылкі правіць
- Афіцыйная старонка Архівавана 18 лютага 2023.