Вікіпедыя

Сутыкненні ў Фора-Баранзе (2023)

Сутыкненні ў Фора-Баранзе — эпізод міжэтнічнага канфлікту паміж арабамі і масалітамі  (ар.) (бел. ў суданскім Дарфуры.

Сутыкненні ў Фора-Баранзе
Дата з 10 па 14 красавіка 2023
Месца г. Фора-Баранга  (англ.) (бел., Дарфур, Судан
Вынік сутыкненні прыпынены з-за пачатку ўзброенай барацьбы паміж Бурханам і Дагала
Праціўнікі
Арабы Масаліты
Агульныя страты
25+ загінух
20 000 бежанцаў

Перадмова правіць

На працягу ўсёй Дарфурскай вайны многія бежанцы з цэнтральнага і заходняга Дарфура знайшлі прытулак у прыгранічным горадзе Фора-Баранга  (англ.) (бел., ля мяжы з Чадам. Новы прыток уцекачоў у 2021 годзе абвастрыў міжэтнічную абстаноўку, паколькі большасць мясцовага насельніцтва — арабы, а бежанцы ў асноўнай масе — масаліты[1].

У перыяд з 7 па 10 красавіка 2023 года, пасля спарадычных забойстваў трох чалавек абодвух нацыянальнасцяў, напружанасць узрасла. Спрабуючы здушыць гвалт, улады Заходняга Дарфура  (ар.) (бел. накіравалі ў горад падраздзяленні сілавікоў, хоць гэта не дало эфекту[2].

Ход падзей правіць

10 красавіка 2023 года ўспыхнулі ўзброеныя сутыкненні, якія распаўсюдзіліся на дзевяць раёнаў[3]. Найбольшую шкоду панеслі раёны Эль-Шаці і Эль-Салам[4]. За першы дзень былі спалены пяцьдзесят дамоў і каля 20 000 чалавек вымушана беглі ў Чад і суседнюю вёску Джымеза[5][3].

11 красавіка Хаміс Абакар, губернатар Заходняга Дарфура, увёў двухтыднёвы каменданцкі час, спрабуючы спыніць гвалт[4]. 13 красавіка Махамед Хусейн Тымане, старшыня грамадскага савета Фора-Барангі, заявіў, што ў выніку сутычак загінулі 24 мірныя жыхары[6]. Хутка гвалт распаўсюдзіўся на горад Біркат-Сейра ў Паўночным Дарфуры  (ар.) (бел.[4].

14 красавіка кіраўнік краіны Абдэль Фатах аль-Бурхан, камандуючы САП Махамед Дагала, губернатар Дарфура Міні Мінаві і яго намеснік Махамед Эйса Алію сабраліся на нараду і пагадзіліся накіраваць армейскія часці для падаўлення беспарадкаў[7].

Вынікі правіць

15 красавіка ў Судане пачаўся ўзброены канфлікт паміж прыхільнікамі Бурхана і Дагала.

На той момант Эль-Салам, Эль-Шаці, Эль-Тадамон і Эль-Медзіна-эль-Мунавара спалены дашчэнту. У гэтых раёнах у асноўным пражывалі ўцекачы неарабскага паходжання. Па меншай меры 25 асоб загінулі. Некалькі чалавек былі выкрадзены[7].

23 красавіка Фора-Баранга была захоплена байцамі Дагала[8].

Гл. таксама правіць

Заўвагі правіць

  1. ↑ Dabanga. Angry protests follow deadly West Darfur market attack (англ.). Dabanga Radio TV Online (30 мая 2021). Праверана 30 ліпеня 2023.
  2. ↑ Sudan: Conflict in Foro Baranga, West Darfur State Flash Update No. 01 (12 April 2023) [EN/AR - Sudan | ReliefWeb] (англ.). reliefweb.int (12 красавіка 2023). Праверана 30 ліпеня 2023.
  3. ↑ а б Sudan: Conflict in Foro Baranga, West Darfur State Flash Update No. 01 (12 April 2023) [EN/AR - Sudan | ReliefWeb] (англ.). reliefweb.int (12 красавіка 2023). Праверана 29 ліпеня 2023.
  4. ↑ а б в Camille. Revenge attacks shake up Darfur (англ.). Dabanga Radio TV Online (11 красавіка 2023). Праверана 30 ліпеня 2023.
  5. ↑ AFP, Staff Writer With. Clashes in Sudan’s Darfur Kill 24: Official(нявызн.). The Defense Post (12 красавіка 2023). Праверана 30 ліпеня 2023.
  6. ↑ AfricaNews. Darfur: 24 dead in tribal clashes (англ.). Africanews (13 красавіка 2023). Праверана 30 ліпеня 2023.
  7. ↑ а б Lisa. At least 25 dead, thousands displaced following West Darfur violence (англ.). Dabanga Radio TV Online (14 красавіка 2023). Праверана 30 ліпеня 2023.
  8. ↑ Camille. Humanitarian catastrophe in Central Darfur, SLM asks for military support (англ.). Dabanga Radio TV Online (13 чэрвеня 2023). Праверана 30 ліпеня 2023.
Узята з "https://be.wikipedia.org/w/index.php?title=Сутыкненні_ў_Фора-Баранзе_(2023)&oldid=4637217"