Сцяг Каракалпакстана

Дзяржаўны сцяг Рэспублікі Каракалпакстан (каракалп.: Qaraqalpaqstan Respublikasınıń mámleketlik bayraǵı / Қарақалпақстан Республикасының мәмлекетлик байрағи; узб.: Qoraqalpogʻiston Respublikasining davlat bayrogʻi / Қорақалпоғистон Республикасининг давлат байроғи) — адзін з афіцыйных знакаў (разам з гербам і гімнам) Рэспублікі Каракалпакстан — суверэннай рэспублікі ў складзе Рэспублікі Узбекістан. Зацверджаны 14 снежня 1992 года, калі быў прыняты закон «Аб дзяржаўным сцягу Рэспублікі Каракалпакстан». Сцяг распрацаваны па эскізе вядомага савецкага, каракалпакскага і ўзбекістанскага мастака — Жалыбая Ізентаева.

Каракалпакстан
Зацверджаны	14 снежня 1992 года
Выкарыстанне
Прапорцыя	1:2
Аўтар сцяга	Жаллыбай Ізентаеў

Сцягі Каракалпакстана і Узбекістана перад уваходам гасцініцы ў Нукусе.

Сцягі Каракалпакстана і Узбекістана на будынку Жакаргы Кенеса (парламента) Рэспублікі Каракалпакстан

Сцягі Каракалпакстана і Узбекістана ў спарткомплексе ў Нукусе (вісяць на столі)

Апісанне сцяга

Дзяржаўны сцяг Рэспублікі Каракалпакстан уяўляе сабой прамавугольнае палотнішча, якое складаецца з трох гарызантальных палос блакітнага, залацістага (або жоўтага) і зялёнага колераў. Залацістую рысу аддзяляюць аблямоўкі белага і чырвонага колераў.

Даўжыня сцяга — 250 см, шырыня — 125 см. Шырыні блакітнай і зялёнай палос роўныя паміж сабой і складаюць 42 см. Шырыня паласы залацістага колеру, размешчанай у сярэдзіне сцяга — 34 см. Шырыня белых аблямовак — 1 см, а чырвоных — 2,5 см.

На верхняй блакітнай паласе намаляваныя белы паўмесяц (выпуклым бокам да дрэўка сцяга), і справа ад яго пяць пяціканцовых зорак белага колеру. Паўмесяц утвораны перасячэннем двух акружнасцяў, дыяметры якіх роўныя 22 і 19 см. Цэнтры гэтых акружнасцяў ляжаць на прамой, якая падзяляе блакітную паласу на дзве роўныя часткі. Адлегласць паміж цэнтрамі гэтых акружнасцяў — 4 см. Адлегласць ад дрэўка сцяга да паўмесяца — 20 см. Зоркі ўпісваюцца ў прастакутнік памерам 30 см на 15 см. Адлегласць ад дрэўка сцяга да прамавугольніка — 42 см. Зоркі размешчаны ў два радкі наступным чынам: верхні радок складаецца з двух, ніжні — з трох зорак; кожная зорка ўпісваецца ў акружнасць дыяметрам 10 см. Ніжняя кропка паўмесяца і вяршыні прамянёў ніжняга шэрагу зорак датыкаюцца гарызантальнай прамой, размешчанай на адлегласці 10 см ад верхняй белай палоскі.

Колеры

Сістэма	Блакітны	Белы	Чырвоны	Жоўты	Зялёны
CMYK	100-21-0-27	0-0-0-0	0-85-89-14	0-22-85-3	83-0-64-38
RGB	0-143-184	255-255-255	219-32-23	247-190-36	26-157-55
HEX	#008FB8	#FFFFFF	#DB2017	#F7BE24	#1A9D37

Выкарыстанне

Дзяржаўны сцяг усталёўваецца на даху будынка Жакоргу Кенгеса, дзяржаўных будынкаў Рэспублікі Каракалпакстан. Таксама сцяг Рэспублікі Каракалпастана падымаецца на розных спаборніцтвах унутры Узбекістана, уваходжанні на п'едэстал спартсменаў з Каракалпакстана, прызёраў спаборніцтваў.

Гістарычныя сцягі на тэрыторыі цяперашняга Каракалпакстана

Хівінскае ханства (Дзяржава Харэзм)

• 
  Сцяг ханства ў 1917-1920 гадах

Харэзмская Народная Савецкая Рэспубліка (Харэзмская Савецкая Сацыялістычная Рэспубліка)

• 
  З 23 кастрычніка 1923 года па 2 кастрычніка 1924 года
• 
  З ліпеня 1922 года па 23 кастрычніка 1923 года
• 
  З мая 1921 года па ліпень 1922 года
• 
  З 30 красавіка 1920 года па май 1921 года
• 
  Са студзеня 1920 года па 30 красавіка 1920 года

Туркестанская Аўтаномная Савецкая Сацыялістычная Рэспубліка (у складзе РСФСР)

• 
  У 1919—1921 гадах
• 
  У 1921—1924 гадах

Кыргызская Аўтаномная Савецкая Сацыялістычная Рэспубліка (у складзе РСФСР)

• 
  У 1920—1925 гадах

Узбекская Савецкая Сацыялістычная Рэспубліка

• 
  З 29 жніўня 1952 года па 18 лістапада 1991 года
• 
  З 16 студзеня 1941 года па 29 жніўня 1952 года
• 
  З 1937 года па 16 студзеня 1941 года
• 
  З студзеня 1935 па 1937 год
• 
  З 1931 года па студзень 1935 года
• 
  З 9 студзеня 1926 года па 1931 год
• 
  З 22 ліпеня 1925 года па 9 студзеня 1926 года

Аўтаномная Савецкая Сацыялістычная Рэспубліка Каракалпак (спачатку ў складзе РСФСР, затым у складзе Узбекскай ССР)

• 
  У 1952—1991 гадах
• 
  У 1941—1952 гадах
• 
  У 1937—1941 гадах
• 
  У 1934—1937 гадах

Спасылкі і крыніцы

• Государственные символы (руск.). karakalpakstan.uz. Праверана 2018-11-2.
• Флаги. Каракалпакстан (руск.). vexillographia.ru. Праверана 2018-11-2.
• Флаг Каракалпакстана (руск.). geraldika.ru. Праверана 2018-11-2.

Гл. таксама

• Дзяржаўны сцяг Рэспублікі Узбекістан