Сцяпан Іванавіч Свірыд

Сцяпан Іванавіч Свірыд (2 жніўня 1913, вёска Стаўпішча, Кіраўскі раён, Магілёўская вобласць — ?) — адзін з кіраўнікоў партызанскага руху ў Магілёўскай вобласці.

Сцяпан Іванавіч Свірыд
Дата нараджэння	2 жніўня 1913(1913-08-02) (111 гадоў)
Месца нараджэння	Стаўпішча, Мышкавіцкі сельсавет, Кіраўскі раён, Беларусь
Грамадзянства	СССР
Род войскаў	партызаны
Званне	лейтэнант
Камандаваў	9-я Кіраўская партызанская брыгада Кіраўская ваенна-аператыўная група
Бітвы/войны	Савецка-фінляндская вайна Вялікая Айчынная вайна
Узнагароды і званні

Біяграфія

Член КПСС з 1939 года. З 1931 года на гаспадарчай рабоце ў Бабруйскім раёне. Удзельнік савецка-фінляндскай вайны. З чэрвеня 1941 года — на Заходнім фронце. У партызанах са снежня 1941 года, з красавіка 1942 года — камандзір атрада, у сакавіку — ліпені 1943 года — 9-й Кіраўскай партызанскай брыгады, у ліпені 1943 — чэрвені 1944 гадоў — Кіраўскай ваенна-аператыўнай групай, адначасова быў членам Кіраўскага падпольнага РК КП(б)Б. У 1944—1973 гадах на партыйнай, савецкай і прафсаюзнай рабоце.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш.. — Мн.: БелСЭ, 1990. — 680 с. — 20 000 экз. — ISBN 5-85700-012-2.