Сямён Война

кашталян мсціслаўскі

Сямён Войнавіч Грычынавіч (?—1599) — маршалак гаспадарскі (1584—1588), кашталян мсціслаўскі (1588—1599); цівун ужвенцкі (з 1567), дзяржаўца паштоўскі, паморскі, палангскі, горждаўскі.

Сямён Война
4-ы кашталян мсціслаўскі
29 снежня 1588 — 1599
Папярэднік Станіслаў Паўлавіч Нарушэвіч
Пераемнік Сокал Война
маршалак гаспадарскі
2 сакавіка 1584 — 29 снежня 1588
цівун ужвенцкі[d]
з 1567
Смерць не раней за 1 сакавіка 1599 і не пазней за 17 ліпеня 1599
Род Войны-Грычынавічы
Бацька Война Мацвеевіч Грычына
Жонка Фядора з Маноўскіх[d] і Альжбета з Кэнштартаў[d][1]
Дзеці Абрагам Война, Мацей Война, Вінцэнт Война і Барбара Сямёнаўна Вайнянка[d]
Веравызнанне праваслаўе[1]
Моладаўскі звон

З роду Войнаў-Грычынавічаў, сын кашталяна мсціслаўскага Войны Мацвеевіча Грычыны і Багданы з Любельскіх. Выслужыў у вял. кн. Жыгімонта Аўгуста маёнткі ў Жамойці. У 1583 годзе, на памяць пра летась памерлага бацьку, заказаў звон для царквы ў Моладаве, сваім вотчынным маёнтку. У 1599 годзе склаў тастамент, важную крыніцу па генеалогіі роду Войнаў-Грычынавічаў, апублікаваную ўпершыню Спрогісам у канцы XIX ст.

Жанаты быў прынамсі двойчы, першы раз з Фядорай Фёдараўнай з Маноўскіх, другі з Гальшкай Севасцьянавай. У першым шлюбе нарадзіліся сыны Мацей, Вінцэнт, Андрэй, Бенедыкт і дочкі Аўдоцця, Марына, Ганна. У другім шлюбе — сыны Рыгор, Аляксандр і дочкі Варвара, Алена. Гэтых дзяцей ён згадвае ў сваім тастаменце. Вядома, аднак, яшчэ трое яго сыноў «Сямёнавічаў, кашталянічаў мсціслаўскіх» — Юрый, Васіль і Абрам, праз якія прычыны яны не згаданы ў тастаменце і хто іх маці невядома.

Літаратура правіць

  • Спрогис И. Духовное завещание мстиславского каштеляна Семена Войны — 1599 г., 1-го марта // Чтения в Историческом обществе Нестора-летописца. Киев, 1898. Кн. 12.
  1. а б Urzędnicy Wielkiego Księstwa Litewskiego : spisy. T. 9, Województwo mścisławskie XVI-XVIII wiek / пад рэд. А. РахубаWarszawa: 2019. — С. 73. — ISBN 978-83-65880-76-5