Сяргей Аляксандравіч Пеліх

Сяргей Аляксандравіч Пеліх (13 лютага 1946, в. Мартыніўка, Палтаўская вобласць, УССР — 3 лістапада 2020) — беларускі эканаміст і гаспадарчы дзеяч. Доктар эканамічных навук (1993), прафесар (2001).

Сяргей Аляксандравіч Пеліх
Дата нараджэння	13 лютага 1946(1946-02-13)
Месца нараджэння	Палтаўская вобласць, УССР, СССР
Дата смерці	3 лістапада 2020(2020-11-03) (74 гады)
Грамадзянства	Беларусь
Месца працы	Krasnoyarsk machine-building plant[d] Смаргонскі завод аптычнага станкабудавання Акадэмія кіравання пры Прэзідэнце Рэспублікі Беларусь Беларускі дзяржаўны эканамічны ўніверсітэт
Навуковая ступень	доктар эканамічных навук
Навуковае званне	прафесар
Альма-матар	Краснаярскі дзяржаўны тэхнічны ўніверсітэт[d] Беларускі дзяржаўны эканамічны ўніверсітэт
Узнагароды

Біяграфія

Скончыў Днепрапятроўскі механічны тэхнікум, Краснаярскі політэхнічны інстытут (спецыяльнасць «Рухавікі лятальных апаратаў», 1971), Беларускі дзяржаўны інстытут народнай гаспадаркі імя В. У. Куйбышава (1983).

Працаваў у Краснаярскім машынабудаўнічым заводзе (1971—1973); Дзіўнагорскім заводзе нізкавольтнай апаратуры (Краснаярскі край; 1973—1978, начальнік цэха, начальнік вытворчасці); Смаргонскім заводзе аптычнага станкабудавання (1978—1994, з 1985 — генеральны дырэктар); Беларускім дзяржаўным эканамічным універсітэце (1995—2003); Акадэміі кіравання пры Прэзідэнце Рэспублікі Беларусь (2003—2020; у 2004—2007 — загадчык кафедры дзяржаўнага рэгулявання эканомікі, з 2007 — прафесар кафедры эканомікі арганізацыі).

Навуковыя інтарэсы: праблемы развіцця сацыяльнай сферы; выкарыстанне аперацыйна-эканамічных механізмаў кіравання і павышэння эфектыўнасці вытворчага працэсу на прадпрыемствах; эканоміка кіравання рэгіёнам; дзяржаўнае рэгуляванне эканомікай; грашова-крэдытнае рэгуляванне эканомікі; вытворчы менеджмент.

Узнагароды

Званне «Заслужаны работнік прамысловасці Беларусі» (1991).

Бібліяграфія

• Совершенствование оперативного управления мелкосерийным и единичным производством : автореферат диссертации … кандидата экономических наук : 08.00.21 / Пелих Сергей Александрович. — Минск, 1987.
• Микрофинансирование в Республике Беларусь: анализ, проблемы, решения / С. А. Пелих, Э. А. Кузнецов. — Минск, 2018.

Літаратура

• Пеліх Сяргей Аляксандравіч // Беларуская энцыклапедыя : у 18 т. — Мінск, 2001. — Т. 12. — С. 263.
• Пелих Сергей Александрович // Кто есть кто в Республике Беларусь. Деловой мир СНГ. Вып. 3. — Минск, 2006. — С.
• Пелих Сергей Александрович // Республика Беларусь : энциклопедия : [в 7 т.]. — Минск, 2008. — Т. 6. — С. 9.