Сяржук Трухановіч

Сяржу́к Трухано́віч (нарадзіўся 16 лютага 1971 года) — беларускі гітарыст, удзельнік гуртоў Крама і Палац.

Сяржук Трухановіч
Падчас выступу «Крамы» ў «Графіці», 2009 год
Асноўная інфармацыя
Дата нараджэння	16 лютага 1971(1971-02-16) (53 гады)
Месца нараджэння	Мінск, БССР, СССР
Краіна	Беларусь
Альма-матар	Беларускі дзяржаўны ўніверсітэт культуры і мастацтваў
Музычная дзейнасць
Прафесіі	музыкант, спявак
Гады актыўнасці	1980-я - па сённяшні дзень
Інструменты	Гітара
Жанры	Рок Блюз
Калектывы	Рокіс Крама Палац

Біяграфія

Нарадзіўся 16 лютага 1971 года ў Мінску. Ствараць першыя п’есы ды песні пачаў ва ўзросце 10 гадоў. Скончыў ДПТВ-148 па спецыяльнасці чырвонадрэўшчык у 1989 годзе. Падчас навучання пачаў займацца гітарай. У 2003 годзе скончыў БДУК як артыст эстрады і выкладчык па класе гітары Уладзіміра Вугольніка. Выступаў у складзе розных самадзейных калектываў і ВІА. У сярэдзіне 80-х сабраў сваю першую групу «Азарт», потым граў у складзе хард-рокавай групы «Каменный дождь» (пазней — «Рокіс»). У 1991 годзе ўвайшоў у групу Крама, у сярэдзіне 90-х заснаваў уласны праект — групу Sam Gray, якая выконвала музыку ў стылі кантры-рок і была адзначана першай прэміяй конкурсу альтэрнатыўнай музыкі «Саступі дарогу!» Фонду Сораса-Беларусь (1996). Пасля гэтага непрацяглы час выступаў як гітарыст ансамбля Сябры, браў удзел у маскоўскім праекце «А. Олейников и друзья». Ад 2002 года сумяшчае выступленні ў складзе Крамы і Палаца.

Дыскаграфія

З «Крамай»

• «Хворы на Rock-n-Roll» (1993)
• «Vodka on Ice» (1993)
• «Гэй там налівай!» (1994)
• «Камендант» (1996)
• «Што дапаможа нам» (1998)
• «Хавайся ў бульбу» (2001)
• «Усё жыццё — дзіўны сон» (2007)
• «Белая вада» (2014)

З «Палацам»

• «Чужыя дзеўкі» (2001)

Сольныя альбомы

• «Кропка незвароту» (1999)
• «Нараджэнне таямніцы» (2003)
• «Шлях да мора» (2012)

Спасылкі

• Паміж «Крамай» і «Палацам» (інтэрв’ю) Архівавана 30 верасня 2018.