Сільверый (Папа Рымскі)

Святы Сільверый мучанік, Папа Рымскі (536—537).

Сільверый
58-ы Папа Рымскі 10 чэрвеня 536 — сакавік 537
Папярэднік	Агапій I
Пераемнік	Вігілій
Дзейнасць	каталіцкі святар
Нараджэнне	477 Фразінонэ, правінцыя Фразінонэ, Лацыа, Італія
Смерць	20 чэрвеня 537 Понца, правінцыя Лаціна, Лацыа, Італія
Бацька	Гармізд
Маці	жонка Гармізда[d]
Медыяфайлы на Вікісховішчы

Біяграфія

Пасля смерці Агапія Юсцініян паслаў у Рым свайго кандыдата на папскі прастол, асабістага сябра і сакратара Агапія. У гэты час у Італіі адбывалася вайна між Візантыяй і Остгоцкім каралеўствам, і стаўленік Візантыі не быў даспадобы каралю Тэадагату, таму яшчэ да прыезду Вігілія кароль Тэадагат паставіў Папам Сільверыя. Кананічныя правілы пры гэтым прызначэнні былі парушаны. Паводле «Папскай кнігі», у ход былі пушчаны пагрозы, подкупы, суворыя пакаранні «непаслухмяных».

Калі візантыйская армія падступіла да Рыму, кароль Тэадагат збег, настрою да супраціву візантыйскім войскам у горадзе не было. Сільверый уступіў у патаемныя перамовы з візантыйскім генералам Велізарыем, адкрыў яму браму Рыму. Пасля новай аблогі Рыму, гэтым разам остгоцкім каралём Віцігесам, у горадзе пачаўся голад. Агенты Вігілія вінавацілі ва ўсім Сільверыя, і насельніцтва Рыму Сільверыю таксама не давярала. Пад уплывам абуранага народу Сільверыя скінулі з папскага прастолу, выслалі ў Патару (Малая Азія).

Літаратура

• [Loz 1934] Лозинский С. Г. История папства. — 3-е изд. — М., 1986.