Табліён
Табліён (лац.: tablion) — фартух з дарагой тканіны, які нашываўся ў Візантыі да плашча ззаду і спераду. Табліён адлюстроўваў высокае грамадскае становішча візантыйца і апранаўся толькі для ўдзелу ў якіх-небудзь урачыстасцях. У імператара табліён рабіўся з каштоўнай парчовай тканіны і з'яўляўся адным з сімвалаў найвышэйшай імператарскай улады, для прыдворных выкарыстоўвалася гладкая аднакаляровая тканіна.
![](http://upload.wikimedia.org/wikipedia/commons/thumb/c/cf/St_George_as_patron_of_two_children._Mosaic%2C_church_of_St_Demetrios_in_Thessaloniki.jpg/150px-St_George_as_patron_of_two_children._Mosaic%2C_church_of_St_Demetrios_in_Thessaloniki.jpg)
У іканапісу табліён малюецца на вопратцы святых, якія мелі згодна з жыціем шляхетнае паходжанне.
Выявы табліёна захаваліся на мазаіках царквы Сан-Віталь ў Равене (малюнак імператара Юстыніяна са світай) і ў базыліцы Святога Дзімітрыя (Салонікі) на мазаіцы з выявай святога Дзімітрыя Салунскага.