Таміслаў Іванчыч

Таміслаў Іванчыч (харв.: Tomislav Ivančić; 30 лістапада 1938, Давар — 17 лютага 2017, Заграб) — каталіцкі святар, доктар багаслоўя, дэкан, прафесар Заграбскага ўніверсітэта, заснавальнік агіятэрапіі.

Таміслаў Іванчыч
Адукацыя	Папскі Грыгарыянскі ўніверсітэт
Навуковая ступень	доктар багаслоўя[d]
Дзейнасць	багаслоў, педагог, пісьменнік, выкладчык універсітэта, каталіцкі святар
Нараджэнне	30 верасня 1938(1938-09-30) Давар[d], Бродска-Посаўская жупанія, Харватыя
Смерць	17 лютага 2017(2017-02-17) (78 гадоў) Заграб, Харватыя

Біяграфія

Іванчыч вывучаў філасофію і тэалогію ў Заграбе і Рыме. У 1966 годзе ён быў пасвечаны на святара Заграбскай архідыяцэзіі. Пасля сканчэння дактарата ў Папскім універсітэце ў 1971 ён вярнуўся ў Заграб.

У 1975 годзе стаў прафесарам каталіцка-тэалагічнага факультэта Заграбскага ўніверсітэта, узначаліў кафедру фундаментальнай тэалогіі. Займаўся філасофіяй, тэалогіяй і літаратурай, шукаў новыя спосабы евангелізацыі; з патрэбы развіцця духоўнай тэрапіі, неаддзельнай ад саматычнай і псіхіятрычнай тэрапіі чалавека пры комплексным лячэнні чалавека вывеў метад агіятэрапіі і ў 1990 годзе заснаваў Цэнтр духоўнай дапамогі дзеля практыкавання агіятэрапіі.

У 1983 годзе стаў канонікам Заграбскага мітрапольнага сабора. У 1998—2001 гадах — дэкан каталіцка-тэалагічнага факультэта Заграбскага ўніверсітэта. У 2001 годзе быў абраны на пост рэктара ўніверсітэта, але з прычыны хваробы не здолеў выконваць рэктарскія функцыі.

З 2004 года — член тэалагічнай камісіі Ватыкана.

Аўтар шматлікіх кніг на каталіцкую тэматыку, якія былі перакладзены на замежныя мовы. Быў сябрам Таварыства харвацкіх літаратурных перакладчыкаў, рэдактарам і аўтарам шматлікіх нацыянальных і міжнародных каталіцкіх часопісаў.

Спасылкі

• Анотація книги Т. Іванчіча «Діягностика душі й агіотерапія» й коротка інформація про автора на сайті видавництва «Свічадо»