Танбур

Танбур, таксама тамбур (перс.: تنبورتنبور) — струнна-шчыпковы музычны інструмент тыпу лютні, з дэкай (корпусам) грушападобнай формы і доўгім грыфам, распаўсюджаны ў арабскіх краінах, Іране, Сярэдняй Азіі, ва ўйгураў (тамбір).

Агульная даўжыня танбура складае 1100—1300 мм. Гук здабываецца плектрам. Большасць слоўнікаў паказвае, што ў танбура 3 струны. Аднак у Слоўніку музычных тэрмінаў Ю. Е. Юцэвіча (1988) прыведзена наступная класіфікацыя танбураў: дутар — 2-струнны, сетар — 3-струнны, чартар — 4-струнны, панжтар — 5-струнны, шаштар — 6-струнны (згодна з персідскімі лічыльнікамі ад 2 да 6).

Літаратура

• Танбур // Большая российская энциклопедия. Том 31. — М., 2016. — С. 638.
• Танбур // Музыкальная энциклопедия. Том 5. — М.: Советская энциклопедия, 1981. — С. 409
• А. Ю. Москвин. Большой словарь иностранных слов. 2003
• Ю. Е. Юцевич. Словарь музыкальных терминов. 1988
• Розеншильд К. История зарубежной музыки. М. 1978