Таіравэ

Таіравэ (укр.: Таї́рове) — пасёлак гарадскога тыпу ў Авідзіяпольскім раёне Адэскай вобласці Украіны. Чыгуначны прыпыначны пункт "13-ы км". Адзін з цэнтраў вінаградарства і вінаробства ва Украіне.

Пасёлак гарадскога тыпу Таіравэ укр.: Таїрове Краіна Украіна Вобласць Адэская вобласць Раён Авідзіяпольскі раён Каардынаты 46°21′54″ пн. ш. 30°38′48″ у. д. Заснаваны 1909 ПГТ з 1982 Плошча 8,469 км² Вышыня цэнтра 19 м Водныя аб’екты Sukhyi lyman[d] Насельніцтва 3250 чалавек (2017) Часавы пояс UTC+2, летам UTC+3 Тэлефонны код +380-48 Паштовы індэкс 65496 Таіравэ на карце Украіны ±

Медыяфайлы на Вікісховішчы

Гісторыя

Пасёлак паўстаў на землях Адэскай гарадской думы ў выніку стварэння першай навукова даследчай ўстановы краю - Інстытута вінаградарства і вінаробства, які заклаў Васіль Таіраў. Спачатку, 5 люты 1905 г., ён адкрыў на Новым рынку Адэсы ў адным пакоі невялікую хімічную і мікрабіялагічную лабараторыю з пачатковым капіталам у 2 тыс. руб. Неўзабаве лабараторыя перарасла ў вінаробную станцыю вінаградараў і вінаробаў. На працягу 1910-1912 гг. на левым беразе Сухога лімана ўзвялі адміністрацыйны корпус, дамы для навукоўцаў, казарму для рабочых з лазняй і пральняй, вінны склеп на тры паверхі, іншыя гаспадарчыя пабудовы. У першае дзесяцігоддзе свайго існавання ўстанова прымала ўдзел у шэрагу нацыянальных і міжнародных выстаў, на якіх атрымлівала высокія ўзнагароды. 8 лютага 1915 г. дзякуючы Дэпартаменту земляробства на станцыі стварылі Вышэйшыя курсы вінаградарства з гадавым тэрмінам навучання. Сёння гэта ўкраінскі Нацыянальны навуковы цэнтр "Інстытут вінаградарства і вінаробства імя В. Таірава".