Трыялет
Трыяле́т (фр.: triolet, trio — трое) — адна з так званых цвёрдых формаў лірычнай паэзіі. Упершыню з'явіўся ў Францыі ў XIV стагоддзі, як скарочаная форма рандэля.
Трыялет уяўляе сабой верш, які складаецца з 8 радкоў і мае наступную структуру: парадак рыфмаў — a-b-a-a-a-b-a-b, першы, чацверты і сёмы радкі строга супадаюць, тое ж датычыцца другога і восьмага радка. Паўторы вершаваных радкоў у трыялеце павінны матывавацца натуральным развіццём тэмы твора, завастраць увагу чытача на яго асноўнай думцы.
Прыкладам трыялету можа служыць наступны верш Максіма Багдановіча:
- Мне доўгае расстанне з Вамі
- Чарней ад Вашых чорных кос,
- Чаму ж нядобры час прынёс
- Мне доўгае расстанне з Вамі?
- Я пабляднеў ад горкіх слёз
- І трыялет пачаў славамі:
- Мне доўгае расстанне з Вамі
- Чарней ад Вашых чорных кос.
Літаратура правіць
- Вячаслаў Рагойша. Паэтычны слоўнік / Т. А. Гарбачэўская. — 3-е выд., дапрац. і дапоўн.. — Мінск: Беларуская навука, 2004. — 576 с. — 2 000 экз. — ISBN 985-08-0598-6.(недаступная спасылка)
- Вячаслаў Рагойша. Тэорыя літаратуры ў тэрмінах. — Мінск: Беларуская энцыклапедыя, 2001. — 384 с. — 1 000 экз. — ISBN 985-11-0197-4. Архівавана 6 сакавіка 2016.