Трэйсі Шэвалье

Трэйсі Шэвалье (англ.: Tracy Chevalier, нар. 19 кастрычніка 1962; Вашынгтон (акруга Калумбія)) — амерыкана-брытанская пісьменніца, аўтар папулярных гістарычных раманаў. Жыве ў Лондане з мужам і сынам.

Трэйсі Шэвалье
Род дзейнасці	пісьменніца, раманіст, сцэнарыст
Дата нараджэння	19 кастрычніка 1962(1962-10-19) (61 год)
Месца нараджэння	Вашынгтон, акруга Калумбія, ЗША
Грамадзянства	ЗША  Вялікабрытанія
Альма-матар	Абярлінскі каледж (1984) Універсітэт Усходняй Англіі Bethesda-Chevy Chase High School[d] (1980)
Член у	Каралеўскае літаратурнае таварыства[d]
Узнагароды і прэміі	член Каралеўскага літаратурнага таварыства[d] ганаровы доктар (2013)
Сайт	tchevalier.com (англ.)
Медыяфайлы на Вікісховішчы

Біяграфія

Шэвалье вырасла ў Вашынгтоне і атрымала адукацыю ў добрай (6-ая ў штаце і 151-ая ў краіне) дзяржаўнай сярэдняй школе горада Бетэсда ў штаце Мэрыленд (Bethesda-Chevy Chase High School), скончыла яе ў 1980 г. Пасля атрымання ступені бакалаўра мастацтваў у каледжы Аберліна ў штаце Агая ў 1984 г., яна пераязджае ў Англію, дзе на працягу некалькіх гадоў працуе ў выдавецкай справе — памочнікам рэдактара мастацтвазнаўчай энцыклапедыі выдавецтва «Мак-Мілан» Macmillan’s Dictionary of Art, а затым адным St. James Press.

У 1993 г. яна паступіла на гадавы курс літаратурнага майстэрства Універсітэта Усходняй Англіі (англ.: University of East Anglia), дзе яе выкладчыкамі былі пісьменнікі Малколм Брэдберы і Роўз Трэймэйн.

Кар’ера Трэйсі Шэвалье пачалася з кнігі «Дзева ў блакітным» (The Virgin Blue), але вядомасць прынёс раман «Дзяўчына з жамчужнай завушніцай», сюжэт якога заснаваны на гісторыі стварэння аднайменнага знакамітага палатна нідэрландскага мастака Яна Вермеера. Экранізацыя гэтай кнігі тройчы намінавалася на «Оскар» у 2004. У рамане «Згараючы ярка», апублікаваным у сакавіку 2007, гаворка ідзе пра двух дзяцей, якія жывуць па суседстве з Уільямам Блэйкам у Лондане ў 1792 годзе. Кніга пісьменніцы «Выдатныя стварэнні» распавядае пра палеантолаг-аматара Мэры Энінг, якая жыла ў Англіі ў XIX стагоддзі.