Туркана

Турка́на (саманазва Niturkana) — народ з групы нілотаў у Кеніі і Эфіопіі. Колькасць – 1068 тысяч чалавек. Належыць да эфіопскай пераходнай расы. Размаўляюць на мове туркана.

Туркана (Niturkana)
Агульная колькасць	1068 тыс. (2012 г.)
Рэгіёны пражывання	Усходняя Афрыка: Кенія — 1034 тыс. Эфіопія — 34 тыс.
Мова	туркана
Рэлігія	анімізм, татэмізм, культ продкаў, хрысціянства, іслам
Блізкія этнічныя групы	самбуру, масаі

Асноўны занятак – качавая жывёлагадоўля. Жытло робяць з сухога гною.

Сацыяльная арганізацыя – родаплемянныя групы, на чале якіх стаяць правадыры. Характэрныя мужчынскія ўзроставыя групы.

Пашыраныя шматлікія ўпрыгожанні, дзіўныя прычоскі, расфарбоўка цела вохрай. Традыцыйны напой – свежая кроў хатняй жывёлы.