Убалаць

У́балаць (трансліт.: Ubalać, руск.: Уболоть) — вёска ў Калінкавіцкім раёне Гомельскай вобласці. Уваходзіць у склад Зеляноцкага сельсавета.

Вёска Убалаць Краіна Беларусь Вобласць Гомельская Раён Калінкавіцкі Сельсавет Зеляноцкі Каардынаты 52°18′20″ пн. ш. 29°28′22″ у. д. Насельніцтва ▼33 чал. (2019) Часавы пояс UTC+3 Тэлефонны код +375 2345 Аўтамабільны код 3 СААТА 3223822041 Убалаць на карце Беларусі ±

Убалаць на Вікісховішчы

Гісторыя

Па пісьмовых крыніцах вядомая з XIX стагоддзя як вёска ў Мазырскім павеце Мінскай губерні. У 1850 годзе ў складзе маёнтка Даманавічы, валоданне памешчыка Міхайлава. У 1879 года пазначаная як паселішча ў Даманавіцкім царкоўным прыходзе. Паводле перапісу 1897 года дзейнічаў хлебазапасны магазін, вятрак. У 1908 годзе ў Даманавіцкай воласці Рэчыцкага павета Мінскай губерні. У 1915 годзе з уводам у эксплуатацыю чыгункі Жлобін — Калінкавічы пачаў дзейнічаць чыгуначны раз’езд Убалаць (4 км ад вёскі).

У 1930 годзе арганізаваны калгас «Беларуская Акадэмія навук», працавалі вятрак, конная крупадзёрка, кузня, пачатковая школа (у 1935 годзе 56 вучняў). У час Вялікай Айчыннай вайны ў баях за вёску і наваколлі загінулі 129 савецкіх салдат (пахаваны ў брацкай магіле на могілках). Вызвалена 12 студзеня 1944 года. 53 жыхары загінулі на фронце. Паводле перапісу 1959 года ў складзе калгаса «Камунар» (цэнтр — вёска Зеляночы), размяшчаўся фельчарска-акушэрскі пункт.

Спасылкі

• На Вікісховішчы ёсць медыяфайлы па тэме Убалаць