Уладзімір Аляксеевіч Падалінскі

Уладзімір Аляксеевіч Падалінскі (нар. 18 мая 1978, г. Шчучын) — беларускі гісторык. Спецыяліст па гісторыі парламентарызму, палітычнай культуры і палітычных элітаў ВКЛ у другой палове XVI — пачатку XVII ст. Кандыдат гістарычных навук (2004), дацэнт (2008).

Уладзімір Аляксеевіч Падалінскі
Дата нараджэння	18 мая 1978(1978-05-18) (45 гадоў)
Месца нараджэння	Шчучын, Шчучынскі раён, Гродзенская вобласць, БССР, СССР
Грамадзянства	Беларусь
Род дзейнасці	гісторык
Месца працы	Беларускі дзяржаўны эканамічны ўніверсітэт БІП — Універсітэт права і сацыяльна-інфармацыйных тэхналогій Полацкі дзяржаўны ўніверсітэт імя Ефрасінні Полацкай
Навуковая ступень	кандыдат гістарычных навук (2004)
Навуковае званне	дацэнт (2008)
Альма-матар	гістарычны факультэт БДУ (2000)

Біяграфія

Нарадзіўся 18 мая 1978 года ў Шчучыне.

Скончыў у 2000 годзе гістарычны факультэт БДУ, у 2003 годзе — аспірантуру Інстытута гісторыі НАН Беларусі. У 2004 годзе абараніў кандыдацкую дысертацыю па тэме «Прадстаўніцтва і палітычная пазіцыя Вялікага Княства Літоўскага на вальных соймах Рэчы Паспалітай у апошняй трэці XVI ст.».

У 2004—2013 гадах дацэнт кафедры эканамічнай гісторыі Беларускага дзяржаўнага эканамічнага ўніверсітэта. З 2013 года ў БДУ: дацэнт, загадчык кафедры гісторыі Беларусі Старажытнага часу і Сярэдніх вякоў. Выкладаў таксама ў Беларускім інстытуце правазнаўства і Полацкім дзяржаўным універсітэце.

Навуковая дзейнасць

Напрамкі даследаванняў: гісторыя права, парламентарызм, прадстаўнічыя інстытуты ўлады і палітычныя эліты ВКЛ і Рэчы Паспалітай.

Бібліяграфія

• Прадстаўніцтва Вялікага Княства Літоўскага на Люблінскім сойме 1569 года: удзел у працы першага вальнага сойма Рэчы Паспалітай. Мінск, 2017.

Удзел у калектыўных працах

• Валовічы герба «Багорыя». Мінск, 2019; 2020 (Беларусь праз прызму рэгіянальнай гісторыі).
• Гісторыя Беларусі: дапаможнік. У 4 ч. Ч. 1: Ад старажытнасці да сярэдзіны XVI ст. Мінск, 2018.
• Да сваёй гісторыі: Сярэднявечча і Ранні Новы час: зборнік навуковых артыкулаў, прысвечаных памяці Паўла Лойкі. Смаленск, 2013.
• История Беларуси в контексте мировых цивилизаций : учебное пособие. Минск, 2008; 2009; 2010; 2016.
• Гісторыя Беларусі (у кантэксце сусветных цывілізацый): вучэбны дапаможнік. Мінск, 2013.
• Гісторыя Беларусі: у 6 т. Т. 2: Беларусь у перыяд Вялікага Княства Літоўскага. Мінск, 2008.

Літаратура

• ПАДАЛІНСКІ Уладзімір Аляксеевіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.