Уладзімір Сяргеевіч Селязнёў

Уладзі́мір Сярге́евіч Селязнёў (1878 — 1926, Масква) — бальшавіцкі дзеяч, удзельнік усталявання бальшавіцкай ўлады на Беларусі.

Уладзімір Сяргеевіч Селязнёў
Род дзейнасці	дзяржаўны дзеяч
Дата нараджэння	1878
Дата смерці	1926
Месца смерці	Масква, Маскоўская губерня, РСФСР, СССР
Месца пахавання	Новадзявочыя могілкі
Грамадзянства	Расійская імперыя  СССР

Біяграфія

Рускі. Атрымаў юрыдычную адукацыю.

Удзельнічаў у рэвалюцыйным руху. Член партый сацыялістаў-рэвалюцыянераў і РСДРП (меншавікоў). Бальшавік з 1917 года. Адзін з кіраўнікоў устанаўлення Савецкай улады ў Беларусі. Член Паўночна-Заходняга аблбюро РСДРП(б) з верасня 1917 г. З лістапада 1918 года — акруговы ваенны камісар Мінскай (пазней Заходняй) ваеннай акругі (сумесна з І. Я. Алібегавым). На I-м з’ездзе КП(б) Беларусі ў Смаленску абраны членам Цэнтральнага бюро. З 18 снежня 1918 да 15 ліпеня 1919 года — член Рэўваенсавета Заходняй (у сакавіку 1919 года перайменаваны ў Літоўска-Беларускую, у чэрвені таго ж года — у 16–ю) арміі, удзельнік вызваленчага паходу Чырвонай Арміі супраць германскіх інтэрвентаў (лістапад 1918 — люты 1919), падчас якога былі вызваленыя амаль уся Беларусь і частка Літвы. Улетку 1919 года ўдзельнічаў у баях з польскімі войскамі.

Потым працаваў загадчыкам аддзела агітацыі і прапаганды МК РКП(б). Памочнік начальніка ЗА УЧК—ДПУ.

Член Вярхоўнага Суда РСФСР з 1923 года.

Памёр у Маскве. Пахаваны на Навадзевічых могілках.

Літаратура

• Колпакиди А., Мзареулов В. Селезнев Владимир Сергеевич // Советская внешняя разведка. 1920—1945 годы. История, структура и кадры. — Родина, 2001. — С. 791.