Уладзіслаў Ігнатавіч Кіркор

Уладзіслаў Ігнатавіч Кіркор (1886, в. Карчоўка, Быхаўскі павет, Магілёўская губерня — 12 красавіка 1942) — прафесар, першы дырэктар адноўленага ў 1919 годзе Горацкага сельскагаспадарчага інстытута. У 1903—1907 гадах член РСДРП.

Уладзіслаў Ігнатавіч Кіркор
Дата нараджэння	1886
Месца нараджэння	Быхаўскі павет, Магілёўская губерня, Расійская імперыя
Дата смерці	12 красавіка 1942(1942-04-12)
Род дзейнасці	выкладчык універсітэта
Месца працы	Омскі дзяржаўны аграрны ўніверсітэт імя П. А. Сталыпіна[d] Беларуская дзяржаўная сельскагаспадарчая акадэмія
Альма-матар	Санкт-Пецярбургскі дзяржаўны ўніверсітэт
Партыя	Расійская сацыял-дэмакратычная рабочая партыя

Біяграфія

Скончыў Горацкае каморніцка-земляробчае вучылішча, потым матэматычны факультэт Санкт-Пецярбургскага ўніверсітэта. У 1909 годзе абараніў дысертацыю і з 1910 года па 1919 год працаваў у каморніцка-земляробчым вучылішчы.

У 1919—1920 гадах прымаў актыўны ўдзел у аднаўленні Горацкага сельскагаспадарчага інстытута і быў абраны першым яго дырэктарам (1919—1924).

Працаваў прафесарам у Сібірскім інстытуце сельскай гаспадаркі і лесаводства (г. Омск), у 1928—1929 гадах быў загадчыкам кафедры землеўпарадкавання і праектавання.

Арыштаваны 1 студзеня 1933 года ў Горках, асуджаны 8 мая 1933 года як «удзельнік контррэвалюцыйнай шпіёнска-дыверсійнай арганізацыі ў сістэме наркамата земляробства БССР» да 10 гадоў. Рэабілітаваны трыбуналам 16 ліпеня 1958 года.

Літаратура

• Альгерчик, В. Заговор царской профессуры / В. Альгерчик // Белорусская нива. — 1996. — 6 июня.
• Михайлов, А. Профессор Киркор и другие / Михайлов А. // Живая вода. — 1996. — 30 марта.
• Цыганаў, А. Р. Беларуская дзяржаўная сельскагаспадарчая акадэмія: гісторыя і сучаснасць / А. Р. Цыганаў, А. П. Курдзека, У. М. Ліўшыц; БДСГА. — Горкі: БДСГА, 2010. — Ч. 1: 100 пытанняў і адказаў. — 146 с. — (у змесце: С. 93—94).