Уладзіслаў Алегавіч Ганчароў

Уладзісла́ў Але́гавіч Ганчаро́ў (нар. 2 снежня 1995, Віцебск, Віцебская вобласць, Беларусь) —  беларускі скакун на батуце. Майстар спорту Беларусі міжнароднага класа. Алімпійскі чэмпіён 2016 года, сярэбраны і бронзавы прызёр чэмпіянатаў свету 2014 і 2015 гадоў, чэмпіён Еўропы 2014 года, сярэбраны прызёр Еўрапейскіх гульняў 2015 года. Ганаровы грамадзянін Віцебска (2016).

Уладзіслаў Ганчароў
Асабістая інфармацыя
Пол	мужчынскі
Поўнае імя	Уладзіслаў Алегавіч Ганчароў
Грамадзянства	Беларусь
Спецыялізацыя	Скачкі на батуце
Дата нараджэння	2 снежня 1995(1995-12-02) (24 гады)
Месца нараджэння	Віцебск, Віцебская вобласць, Беларусь
Альма-матар	Дзяржаўная ўстанова адукацыі «Гімназія № 1 г. Віцебска»
Спартыўная кар'ера	2002 — цяп. час
Трэнеры	Вольга Уласава
Рост	173 см
Вага	66 кг
Узнагароды і медалі Скачкі на батуце (мужчыны) Летнія Алімпійскія гульні Золата Рыа-дэ-Жанэйра 2016 індывід. Еўрапейскія гульні Срэбра Баку 2015 індывід. Срэбра Баку 2015 сінхр. Чэмпіянат свету Срэбра Дэйтона-Біч 2014 сінхр. Бронза Дэйтона-Біч 2014 індывід. Срэбра Одэнсэ 2015 індывід. Срэбра Одэнсэ 2015 сінхр. Бронза Одэнсэ 2015 каманд. Чэмпіянат Еўропы Золата Гімарайнш 2014 індывід. Бронза Гімарайнш 2014 каманд. Золата Вальядалід 2016 індывід. Золата Вальядалід 2016 сінхр. Срэбра Вальядалід 2016 каманд.
Аўдыё, фота, відэа на Вікісховішчы

Біяграфія

Скончыў гімназію № 1 г. Віцебска. На Чэмпіянаце свету 2013 года ў індывідуальных спаборніцтвах заняў 8-е месца, у сінхронных скачках — 6-е месца.

Сярэбраны прызёр Еўрапейскіх гульняў 2015 года ў Баку ў індывідуальных і сінхронных скачках. У тым жа годзе на Чэмпіянаце свету ў Одэнсэ стаў срэбраным прызёрам у індывідуальных і сінхронных скачках і бронзавым у камандных спаборніцтвах.

На Чэмпіянаце Еўропы 2014 года ў Гімарайншы заваяваў золата ў індывідуальных спаборніцтвах і бронзу ў камандных спаборніцтвах, у сінхронных скачках заняў пятае месца. У тым жа годзе на Чэмпіянаце свету ў Дэйтона-Біч стаў срэбраным прызёрам у сінхронных скачках і бронзавым у індывідуальных спаборніцтвах.

На Чэмпіянаце Еўропы 2016 года ў Вальядалідзе заваяваў золата ў індывідуальных і сінхронных скачках і срэбра ў камандных спаборніцтвах. У тым жа годзе дэбютаваў на летніх Алімпійскіх гульнях у Рыа-дэ-Жанэйра, дзе ў індывідуальных скачах з адзнакай 61,745 бала заваяваў першы залаты медаль Беларусі на гэтых Гульнях.

З’яўляецца студэнтам кафедры гімнастыкі Беларускага дзяржаўнага ўніверсітэта фізічнай культуры.

Узнагароджаны ордэнам Айчыны ІІІ ступені (2016).

Спасылкі

• На Вікісховішчы ёсць медыяфайлы па тэме Уладзіслаў Алегавіч Ганчароў