Універсітэт Мікалая Каперніка ў Торуні

Універсітэт Мікалая Каперніка ў Торуні (польск.: Uniwersytet Mikołaja Kopernika w Toruniu) — польская дзяржаўная вышэйшая навучальная ўстанова са статусам універсітэта і з сядзібай у горадзе Торунь.

Універсітэт Мікалая Каперніка ў Торуні
польск.: Uniwersytet Mikołaja Kopernika w Toruniu
Арыгінальная назва	польск.: Uniwersytet Mikołaja Kopernika w Toruniu
Міжнародная назва	Nicolaus Copernicus University in Toruń
Заснаваны	1945
Тып	класічны ўніверсітэт
Рэктар	Анджэй Сакаля
Рэктар	Andrzej Sokala[d]
Студэнты	22 000
Размяшчэнне	Торунь
Юрыдычны адрас	вул. Юрыя Гагарына 11, 87-100 г. Торунь, Польшча
Сайт	umk.pl
Медыяфайлы на Вікісховішчы

Агульная характарыстыка

Універсітэт быў створаны ў адпаведнасці з указам Савета Міністраў ПНР ад 24 жніўня 1945 года, зацверджанага Прэзідыумам Нацыянальнага савета ПНР 11 верасня 1945 года. Стварэнне ўніверсітэцкага цэнтра павінна было спрыяць навуковай і культурнай актыўнасці рэгіёну, садзейнічаць працэсам умацавання польскасці рэгіёна і кампенсаваць недахоп кадраў пасля вайны, навучаючы новых спецыялістаў для культуры і народнай гаспадаркі. Акрамя таго, стварэнне ўніверсітэта ў Торуні павінна было кампенсаваць страту палякамі Універсітэта Стэфана Баторыя ў Вільні і Універсітэта Яна Казіміра ў Львове.

Вучэльня сёння з’яўляецца адным з найбуйнейшых універсітэтаў у Польшчы, як па колькасці студэнтаў, так і па спецыяльнасцях. Універсітэт мае права прысуджаць доктарскую ступень у 25 навуковых дысцыплінах і хабілітацыю ў 22 дысцыплінах. Ва ўніверсітэце працуе 4,3 тыс. чалавек, у тым ліку 2,2 тыс. навукова-педагагічных работнікаў. У гэтай групе працуе больш 500 прафесараў і дактароў хабілітаваных. На 17 факультэтах і ў міждысцыплінарным цэнтры сучасных тэхналогій навучаецца каля 25 тыс. студэнтаў.

Структура

• Факультэт біялагічных і ветэрынарных навук
• Факультэт хіміі
• Фармацэўтычны факультэт
• Філалагічны Факультэт
• Факультэт фізікі, астраноміі і прыкладной інфарматыкі
• Гуманітарны факультэт
• Медыцынскі факультэт
• Факультэт матэматыкі і інфарматыкі
• Факультэт эканамічных навук і кіравання
• Факультэт гістарычных навук
• Факультэт медыцынскіх навук
• Факультэт навук аб зямлі і прасторавай эканоміцы
• Факультэт педагагічных навук
• Факультэт паліталогіі і міжнародных даследаванняў
• Факультэт права і адміністрацыі
• Факультэт выяўленчых мастацтваў
• Факультэт тэалогіі

Спасылкі

• На Вікісховішчы ёсць медыяфайлы па тэме Універсітэт Мікалая Каперніка ў Торуні
• Афіцыйная інтэрнэт-старонка ўніверсітэта