ФК Балоння

Балоння
Балоння
Поўная назва	Bologna Football Club 1909 SpA
Заснаваны	1909
Горад	Балоння, Італія
Стадыён	Стадыа Рэната Даль’Ара; Умяшчальнасць: 38 279
Уладальнік	Saputo[d]
Прэзідэнт	Джаэй Сапута[d]
Галоўны трэнер	Вінчэнца Італьяна[d];
Чэмпіянат	Серыя A
2022/23	9 месца
Сайт	Афіцыйны сайт

«Бало́ння» (італ.: Bologna F.C. 1909) — італьянскі футбольны клуб з горада Балоння, які размяшчаецца ў правінцыі Эмілія-Раманья. Заснаваны ў 1909 годзе і рэфармаваны ў 1993 годзе. Сяміразовы чэмпіён Італіі, двухразовы ўладальнік Кубка Італіі. Клуб мае мянушку «rossoblù» з-за чырвоных і сініх паласатых кашуляў, якія з’яўляюцца традыцыйнымі для клуба. Чырвоны і сіні, таксама, з’яўляюцца афіцыйнымі колерамі гораду. Хатнія матчы «Балоння» праводзіць на стадыёне «Рэната Даль’Ара», які здольны змясціць 38 279 гледачоў.

За сваю гісторыю клуб перамагаў у італьянскім чэмпіянаце сем разоў. Яны з’яўляюцца шостай самай паспяховай камандай у Серыі A. На міжнароднай арэне каманда дамагалася перамогі ў Кубку Інтэртота і Кубку Мітропы. Сезон 1998/99 можна лічыць адным з самым паспяховых: каманда здолела дабрацца да паўфіналу Кубка УЕФА, дзе саступіла марсельскаму «Алімпіку». У сезоне 2007/08 каманда заваявала пуцёўку ў Серыю А, вярнуўшыся пасля вылету ў сезоне 2004/05.

Гісторыя

Раннія гады

Футбольны клуб «Балоння» быў сфарміраваны Эміліа Арнштайнам, аўстрыйцам, які зацікавіўся футболам, калі вучыўся ва ўніверсітэтах у Вене і Празе. Ён і яго брат раней заснавалі яшчэ адзін футбольны клуб, «Black Star», у Аўстрыі.

Клуб быў заснаваны 3 кастрычніка 1909 года. Паводле яго фарміравання, Карла Сандоні стаў спонсарам клуба і генеральным менеджарам, швейцарац Луі Раўш стаў прэзідэнтам клуба, шляхціч Гвіда дэла Вале стаў віцэ-прэзідэнтам, Энрыка Пеналля стаў сакратаром клуба, Серхіа Лампронці касірам клуба, у той час як Эміліа Арнштайн і Леонэ Вінчэнцы сталі клубнымі дарадцамі.

20 сакавіка 1910 года «Балоння» адыграла сваю першую гульню супраць клуба «Віртус». «Балоння» стала мацней сваіх супернікаў, атрымаўшы перамогу з лікам 9:1.

Свой першы сезон клуб правёў у рэгіянальнай лізе, у якасці капітана ў тыя часы выступаў Арыга Градзі. «Балоння» атрымала перамогу ў розыгрышу лігі і прасунулася ў лігу Венета-Эміліяна. Клуб правёў чатыры сезоны ў гэтай лізе, ніколі не занімаючы месца ніжэйшае за пятае. «Балоння» атрымала пуцёўку ў Паўночную Лігу, перш чым усе футбольныя лігі былі адкладзены з-за пачатку Першай сусветнай вайны.

1920-я гады

Пасля Першай сусветнай вайны выступы «Балонні» сталі больш паспяховымі. Першыя дасягненні паўфіналу Паўночнага італьянскага чэмпіянату ў сезоне 1919/20, былі перасягнуты ў наступным сезоне, калі клуб дасягнуў фіналу, дзе саступіў з лікам 2:1 клубу «Про Верчэлі». У сезоне 1923/24 клуб зноў заняў другое месца ў Паўночнай італьянскай лізе, атрымаўшы паражэнне ў фінале ад чэмпіёна Італіі таго года, клуба «Джэноа».

Склад

Станам на люты 2024 года.


№	Паз.	Імя	Нар.
3	Аб	Штэфан Пош	1997
4	Аб	Міхайла Іліч	2003
5	Аб	Адама Сумааро	1992
6	ПА	Нікола Мора	1998
7	ПА	Рыкарда Арсаліні	1997
8	ПА	Рэма Фройлер	1992
9	Нап	Джошуа Зіркзэ	2001
10	ПА	Еспер Карлсан	1998
11	Нап	Дан Ндае	2000
15	Аб	Віктар Крысціянсен	2002
16	Аб	Тамаза Караца	2004
17	ПА	Усама Эль-Азузі	2001
18	Нап	Сант’яга Кастра	2004
19	ПА	Льюіс Фергюсан (капітан)	1999


№	Паз.	Імя	Нар.
20	ПА	Мішэль Эбішэр	1997
21	Нап	Енс Одгар	1999
22	Аб	Харалампас Лікаяніс	1993
23	Бр	Нікола Баньяліні	2004
26	Аб	Джон Лукумі	1998
28	Бр	Лукаш Скарупскі	1991
29	Аб	Ларэнца Дэ Сільвестры	1988
31	ПА	Сэм Бёкема	1998
33	Аб	Рыкарда Калаф’ёры	2002
34	Бр	Федэрыка Равалья	1999
56	ПА	Алексіс Салемакерс	1999
66	Аб	Уіздам Амі	2005
80	ПА	Джавані Фабіян	2003
82	ПА	Кацпар Урбанскі	2004

Крыніцы

Спасылкі

На Вікісховішчы ёсць медыяфайлы па тэме ФК Балоння
Афіцыйны сайт
Сайт заўзятараў клуба