Хайфон

Хайфон — буйны горад на поўначы В’етнама.

Горад цэнтральнага падпарадкавання Хайфон в’етн.: Hải Phòng Краіна В’етнам Каардынаты 20°51′21″ пн. ш. 106°40′55″ у. д. Плошча 1 503 км² Вышыня цэнтра 12 м Насельніцтва 1 711 100 чалавек (2009) Шчыльнасць 1218,781 чал./км² Часавы пояс UTC+7 Тэлефонны код 225 Паштовыя індэксы 04000–04999 і 05000–05999 Афіцыйны сайт haiphong.gov.vn Хайфон на карце В'етнама

Медыяфайлы на Вікісховішчы

Размешчаны ў дэльце ракі Хонгха, на рацэ Кіньмон, якая ўпадае ў заліў Бакбо Паўднёва-Кітайскага мора. Насельніцтва 1,8 млн чалавек, трэці ў краіне паводле колькасці насельніцтва пасля Ханоя і Сайгона. Адзін з пяці гарадоў В'етнама цэнтральнага падначалення.

Гісторыя

Час заснавання дакладна не вядомы, але хайфонскі порт існуе прынамсі некалькі стагоддзяў. Пасля каланізацыі В'етнама Францыяй стаў адной з важнейшых французскіх ваенна-марскіх баз, атрымаў мянушку «Танкінскай Венецыі». Падчас Другой сусветнай вайны акупаваны Японіяй.

У кастрычніку 1954 года быў адпраўным пунктам аперацыі «Рэйс да волі», падчас якой 293 тысячы ўцекачоў было эвакуіравана з камуністычнага Паўночнага В'етнама у Сайгон, сталіцу Паўднёвага В'етнама, караблямі ВМС ЗША. У 1972 годзе моцна пацярпеў ад бамбардыровак амерыканскай авіяцыі, бо быў адзіным буйным портам Паўночнага В'етнама.

Эканоміка

Пасля вайны адбудаваны ў буйны гандлёва-прамысловы цэнтр. Цэнтр рыбалоўства. Адзін з адпраўных пунктаў турыстаў, якія накіроўваюцца ў заліў Халонг.

Транспарт

Хайфон знаходзіцца за 108 км на паўночны ўсход ад Ханоя і злучаны з ім чыгуначнай лініяй і платнай аўтастрадай. Марскі порт, другі паводле аб'ёмаў грузаабароту ва В'етнаме. Міжнародны аэрапорт Катбі.

Гарады-пабрацімы

Хайфон з'яўляецца горадам-пабрацімам наступных гарадоў:

• Дананг, В’етнам
• Інчхон, Рэспубліка Карэя (1997)
• Уладзівасток, Расія
• Санкт-Пецярбург, Расія
• Цяньцзінь, Кітай (1999)
• Ліворна, Італія
• Сіэтл, ЗША

Спасылкі

• Хайфон (руск.) — артыкул з Вялікай савецкай энцыклапедыі