Хальвард Веб’ёрсан

Хальвард Веб'ёрсан, Святы Хальвард (нарв.: Hallvard Vebjørnsson; 1020, Ліер, Нарвегія — 1043, Нарвегія) — святы Рымска-Каталіцкай Царквы, мучанік, з'яўляецца заступнікам Осла, шануецца ў Каталіцкай царкве як заступнік нявінных людзей.

Хальвард Веб'ёрсан
Hallvard Vebjørnsson
Пячатка горада Осла, на якой намаляваны святы Хальвард
Дата нараджэння	1020
Месца нараджэння	Lier[d], Бускеруд, Нарвегія
Дата смерці	1043
Шануецца	Каталіцкая царква
У ліку	святы
Дзень памяці	15 мая
Падзвіжніцтва	мучанік
Медыяфайлы на Вікісховішчы

Біяграфія

Статуя Хальварда Веб'ёрсана ў Нідараскім саборы

Святы Хальвард быў сынам нарвежскага арыстакрата Веб'ёрна з Хусабі (Huseby (Lier)). Яго маці была знаёмая са Святым Олафам, заступнікам Нарвегіі. Пра яго жыццё мала вядома, усе біяграфічныя звесткі звязаны з яго смерцю. Хальвард абараніў жыццё жанчыны, хутчэй за ўсё рабыні, якая атрымала прытулак на яго караблі. Гэта жанчына была абвінавачана экіпажам карабля ў крадзяжы. Абараняючы жыццё нявіннага чалавека, Хальвард, атрымаўшы смяротнае раненне, быў забіты разам з абвінавачанай жанчынай. Прывязаўшы забітага Хальварда да млынавага жорана, забойцы спрабавалі затапіць цела ў моры каля фіёрда Драмен, але яно не танула. У выніку забойства Хальварда было раскрыта.

Шанаванне

Шанаванне Хальварда ўзнікла ў Каталіцкай царкве ў Сярэднявеччы. Ён лічыцца заступнікам нявінных людзей. У 1130 годзе ў Осла быў пабудаваны кафедральны сабор, які носіць яго імя, дзе захоўваліся яго мошчы. Да 17 стагоддзя гэты сабор прыйшоў у заняпад і ад яго ў наш час засталіся толькі адны руіны.

Дзень памяці ў Каталіцкай царкве — 15 мая.

Крыніца

• Артыкул пра Св. Хальварда нарв.:

Спасылкі

• На Вікісховішчы ёсць медыяфайлы па тэме Хальвард Веб’ёрсан
• Індэкс святых англ.: