Хенінг Манкель

Хенінг Манкель (швед. Henning Mankell, 3 лютага 1948, Стакгольм — 5 кастрычніка 2015, Гётэбарг) — шведскі тэатральны рэжысёр і пісьменнік, аўтар дэтэктыўных раманаў пра камісара Курта Валандэра.

Хенінг Манкель
шведск.: Henning Mankell
Імя пры нараджэнні	шведск.: Henning Georg Mankell
Род дзейнасці	пісьменнік, драматург, дзіцячы пісьменнік, аўтар дэтэктываў, сцэнарыст, кінарэжысёр, праваабаронец
Дата нараджэння	3 лютага 1948(1948-02-03)[…]
Месца нараджэння	Стакгольм, лен Стакгольм, Швецыя
Дата смерці	5 кастрычніка 2015(2015-10-05)[…] (67 гадоў)
Месца смерці	Гётэбарг, камуна Гётэбарг, лен Вестра-Гёталанд, Швецыя
Месца пахавання	Örgryte old cemetery[d]
Грамадзянства	Швецыя
Бацька	Ivar Mankell[d]
Жонка	Eva Bergman[d]
Дзеці	Jon Mankell[d]
Узнагароды і прэміі	Шкляны ключ (1992) Deutscher Jugendliteraturpreis[d] (1993) Golden Feather[d] (2008) Riverton International Honour Prize[d] (2012) Гран-пры паліцэйскай літаратуры[d] Nils Holgersson Plaque[d] (1991) Best Swedish Crime Novel Award[d] (1991) Prix Mystère de la Critique[d] (2000) Erich-Maria-Remarque Peace Prize[d] (2009) Corine Literature Prize[d] (2001, 2008) Gumshoe Awards[d] (2005) прэмія Астрыд Ліндгрэн[d] August Prize[d] Crimezone Thriller Awards[d] (2005) Аўтар года[d] (1997) Best Swedish Crime Novel Award[d] (1995) Ripper Award[d] (2008) Sveriges Radio's Novel Prize[d] CWA International Dagger[d] (2018) прэмія Марціна Бека[d] (2001)
Сайт	henningmankell.es (англ.)​ (шведск.) henningmankell.se
Медыяфайлы на Вікісховішчы

Хенінг Манкель

Біяграфія

Хенінг Манкель нарадзіўся ў Стакгольме. Праз год пасля нараджэння хлопчыка яго бацькі развяліся. Дзіця засталося з бацькам, які служыў суддзёй.

Актыўна ўдзельнічаў у акцыях пратэсту супраць вайны ў В'етнаме і рэжыму апартэіду ў ПАР. У 1970-я ён пераехаў у Нарвегію, дзе далучыўся да Працоўнай камуністычнай партыі, якая стаяла на пазіцыях мааізму. Тады ж пабачылі свет яго першыя раманы. З пачатку 70-х гадоў Манкель падарожнічаў па афрыканскіх краінах. Ён нейкі час жыў у Замбіі, Зімбабвэ, Мазамбіку, займаўся дабрачыннай дзейнасцю.

У 1991 годзе Хенінг Манкель выдаў першую кнігу пра камісара Валандэра «Безаблічныя забойцы». У Швецыі гэты дэтэктыў, напісаны ў жанры нуар, адразу стаў папулярным і атрымаў некалькі прэстыжных прэмій. У іншых краінах пра Манкеля і яго героя загаварылі толькі пасля трэцяга рамана, «Белая ільвіца».

Яго кнігі былі глыбокія з сацыяльнага пункту гледжання. Злачынствы ў іх былі вынікам хвароб сучаснага грамадства: праблем мігрантаў, тэрарызму і экстрэмізму, рэлігійнага фанатызму, збяднення насельніцтва. Валандэр жыве і працуе ў невялікім шведскім мястэчку, пакутуе на алкагалізм і павінны быў ужо даўно зненавідзець увесь чалавечы род, аднак штодня сутыкаючыся з жорсткасцю і гвалтам, застаецца гуманістам і робіць сваю справу.

Раманы пра шведскага камісара былі экранізаваныя. Найбольш удалымі лічацца серыялы, знятыя шведскім тэлебачаннем. Высокія ацэнкі атрымаў таксама серыял, зняты Бі-Бі-Сі. Ролю Валандэра ў ім выканаў папулярны акцёр Кенэт Брана.

У апошнія гады Хенінг Манкель жыў пераважна ў Мазамбіку, вяртаючыся на лета ў Швецыю. З 1998 года быў жанаты з дачкой шведскага рэжысёра Інгмара Бергмана.