Хітрыдыяльныя

Хітрыдыя́льныя (Chytridiales) — парадак хітрыдыевых грыбоў.

Хітрыдыяльныя
Synchytridium endobioticum
Навуковая класіфікацыя
Дамен:  Эўкарыёты Царства:  Грыбы Аддзел:  Хітрыдыевыя грыбы Клас:  Хітрыдыяміцэты Парадак:  Хітрыдыяльныя
Міжнародная навуковая назва
Chytridiales Cohn (1879)
Сістэматыка на Віківідах Выявы на Вікісховішчы ITIS   13786 NCBI   4810 EOL   5779 MB   90416

Апісанне

Вегетатыўнае цела ў выглядзе пратаплазменнай масы або авальнай ці цыліндрычнай клеткі, укрытай абалонкай, ад яхой адыходзіць міцэлій. Бясполае размнажэнне адбываецца з дапамогай аднажгуцікавых зааспор, палавое (аагамія, гаметагамія, саматагамія) — у неспрыяльных умовах.

Арэал і экалогія

Пашыраны ўсюды. На Беларусі больш за 10 відаў з родаў альпідый (Olpidium), рызафідый (Rhizophydium) і сінхітрый (Synchytrium). Сапратрофы на раслінных і жывёльных рэштках, паразіты на водных грыбах, мікраскапічных жывёлах і водарасцях.

Класіфікацыя

Адрозніваецца 5 сямействаў, каля 80 родаў, больш за 400 відаў.

Значэнне

Узбуджальнікі хвароб вышэйшых раслін — чорнай ножкі сельскагаспадарчых культур і раку бульбы.

Літаратура

• Бельская С. Хітрыдыяльныя // БЭ ў 18 т. Т. 17. Мн., 2003.