Цэнтральны атэль (Гданьск)
Цэнтральны атэль (польск.: Central Hotel Gdańsk) — гатэль, які месціцца ў цэнтры Гданьска ў гістарычным будынку, які ўтварае адзіны архітэктурны ансамбль з галоўным чыгуначным вакзалам горада.
Атэль | |
Central Hotel Gdańsk | |
---|---|
польск.: Central Hotel Gdańsk | |
![]() | |
Памылка Lua у Модуль:WikidataCoords на радку 146: attempt to concatenate local 'coords' (a nil value). | |
Краіна | Польшча |
Месцазнаходжанне |
вул. Падвалы Гродзкія 4, Гданьск, Польшча |
Будаўніцтва | 1898—1900 гады |
Статус | Аб'ект культурнай спадчыны |
Сайт | centralhotelgdansk.pl |
![]() |
Гісторыя
правіцьБудаўніцтва будынка ў стылістыцы паўночнаеўрапейскай неарэнесанснай архітэктуры завяршылася ў 1900 годзе ў адпаведнасці да праекта архітэктараў Аляксандра Рундэля, Паўля Томера і Георга Куні, які быў прадстаўлены грамадскасці 29 жніўня 1898 года. Першапачаткова ў будынку месцілася сядзіба рэгіянальнай дырэкцыі нямецкай чыгункі (ням.: Die Eisenbahndirektion Danzig), а менавіта сядзіба кіраўніка, транспартная інспекцыя і службовыя кватэры.
З 1921 года ў будынку дзейнічала Рада порта і водных шляхоў Вольнага горада Данцыга, а таксама чыгуначная інспекцыя. Другую сусветную вайну аб'ект перажыў у даволі добрым стане. Пасля 1945 года ў будынку размяшчаліся чыгуначная амбулаторыя з аптэкай (на першым паверсе, з асобным уваходам з поўдня) і прыёмны пункт чыгуначнай санітарнай службы. У выніку рэарганізацыі сістэмы чыгуначнага транспарту ў Польшчы ў 1995 годзе і ліквідацыі ведамаснай чыгуначнай паліклінікі будынак быў прададзены ўладамі Паморскага ваяводства ў прыватную ўласнацсь.
З вясны 2014 па лета 2017 года будынак перажыў пераабсталяванне ў чатырохзоркавы атэль. Да гэтага часу на падрыхтоўку праекта і перамовы з інстытуцыямі, адказнымі за захаванне архітэктурнай спадчыны, паўшло яшчэ некалькі гадоў. Да існуючай канструкцыі з паўднёвага боку была прыбудавана частка другога паверха, якая была ўключана ў першапачатковыя архітэктурныя планы стогадовай даўніны. Агульная плошча будынку складае 1,2 тыс. м2. Цяпер у ім ёсць 39 пакояў для гасцей, дзве канферэнц-залы і рэстаран-бровар (на ягоным месцу пэўны час функцыянавала паштовае аддзяленне).
- Знешні выгляд
-
Паштоўка 1901 года
-
Выгляд з трамвайнага прыпынку
-
Атэль і галоўны чыгуначны вакзал
Спасылкі
правіць- На Вікісховішчы ёсць медыяфайлы па тэме Цэнтральны атэль (Гданьск)
- Афіцыйная інтэрнэт-старонка