Чэрвеньскі сельсавет
Чэ́рвеньскі сельсавет — адміністрацыйна-тэрытарыяльная адзінка ў складзе Чэрвеньскага раёна Мінскай вобласці Беларусі. Цэнтр — горад Чэрвень (не ўваходзіць у склад).
| Чэрвеньскі сельсавет | |
|---|---|
| Краіна |
 Беларусь |
| Уваходзіць у | Чэрвеньскі раён |
| Уключае | 25 населеных пунктаў |
| Адміністрацыйны цэнтр | Чэрвень (не ўваходзіць у склад) |
| Дата ўтварэння | 20 жніўня 1924 |
| Насельніцтва (2019) | 2 429 |
| Часавы пояс | UTC+03:00 |
| Паштовыя індэксы | 2232ХХ |
| Код аўтам. нумароў | 5 |
| Афіцыйны сайт | |
Утвораны 20 жніўня 1924 года як Вайнілаўскі сельсавет у складзе Чэрвеньскага раёна Мінскай акругі БССР. Цэнтр — вёска Вайнілава. Пасля скасавання акруговай сістэмы 26 ліпеня 1930 года ў Чэрвеньскім раёне БССР. З 20 лютага 1938 года ў складзе Мінскай вобласці. 30 кастрычніка 2009 года да сельсавета далучана тэрыторыя скасаванага Грабянецкага сельсавета (14 населеных пунктаў: вёскі Арэхаўка, Ачыжа, Грабянец, Дзерць, Дуброва, Забод, Лучное, Майзарова, Нівішча, Новасяленне, Пальчык, Скрабінкі, Усохі і Чорны Брод), таксама ў склад сельсавета з Калодзежскага сельсавета перададзены пасёлак Індом, цэнтр сельсавета перанесены ў горад Чэрвень, сельсавет перайменаваны ў Чэрвеньскі[1]. 28 мая 2013 года ў склад Кліноцкага сельсавета перададзены 4 населеныя пункты (Зайцы, Кукалеўка, Лежні і Рудня Астравітая)[2].
Насельніцтва сельсавета паводле перапісу 2009 года (14 населеных пунктаў) — 2107 чалавек[3], з іх 96,1 % — беларусы, 2,8 % — рускія, 0,4 % — украінцы[4]; паводле перапісу 2019 года (25 населеных пунктаў) — 2429 чалавек[5].
Зноскі
- ↑ Решение Минского областного Совета депутатов от 30 октября 2009 г. № 219 Об изменении административно-территориального устройства Минской области Архівавана 28 чэрвеня 2021.
- ↑ Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 31 сакавіка 2016.
- ↑ Колькасць насельніцтва населеных пунктаў Мінскай вобласці Беларусі паводле перапісу 2009 года
- ↑ Этнічны склад насельніцтва сельсаветаў Беларусі паводле перапісу 2009 года
- ↑ Колькасць насельніцтва населеных пунктаў Мінскай вобласці Беларусі паводле перапісу 2019 года
Літаратура
правіць- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.