Шарош

Шаро́ш — намнажэнне рыхлага губчастага лёду, якое ўзнікае на вадаёмах з выплага на паверхню вады ўнутрыводнага лёду. Можа з'яўляцца перад ледаставам пры пераахалоджанні вады ніжэй за 0 °C, пераважна на хуткаплынных рэках, ніжэй палонак і гідравузлоў. Можа рухацца ўніз па цячэнні або намнажацца пад лёдам і гэтак выклікаць рэзкі пад'ём вады.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).