Астравы Шумагіна
Астравы Шума́гіна (англ.: Shumagin Islands) — архіпелаг каля паўднёвага ўзбярэжжа паўвострава Аляска (ЗША). Агульная плошча — 1192,369 км². Насельніцтва (2000 г.) — 953 чалавекі.
| Астравы Шумагіна | |
|---|---|
| англ. Shumagin Islands | |
 | |
| Характарыстыкі | |
| Колькасць астравоў | 20 |
| Найбуйнейшы востраў | Унга |
| Агульная плошча | 1 192,369 км² |
| Насельніцтва | 953 чал. (2000) |
| Шчыльнасць насельніцтва | 0,8 чал./км² |
| Размяшчэнне | |
| 55°03′09″ пн. ш. 160°02′50″ з. д.HGЯO | |
| Акваторыя | Аляска |
| Краіна | |
| Штат | Аляска |
 Медыяфайлы на Вікісховішчы | |
Геаграфія правіць
Астравы Шумагіна месцяцца ў заходняй частцы заліва Аляска. Іх агульная колькасць — каля 20 астравоў. Найбуйнейшы востраў Унга (442,188 км²) знаходзіцца ўсяго ў 6,3 км на поўдзень ад паўвострава Аляска. Архіпелаг утвораны ў выніку тэктанічных зрухаў у раёне напаўзання Паўночна-Амерыканскай пліты на Ціхаакіянскую пліту. Для яго характэрна частая сейсмічная актыўнасць. Канчаткова астравы адлучыліся ад паўвострава Аляска пасля заканчэння ледавіковага перыяду. Суша складзена гранітамі і вулканічнымі асадкавымі пародамі. На астравах знойдзены радовішчы золата.
Клімат марскі вільготны. Тэмпература паветра на працягу года вагаецца паміж −10 °C і +15 °C. Узімку характэрны частыя штормы, аднак вада каля ўзбярэжжа не замярзае.
Прырода правіць
На астравах Шумагіна вылучаюцца 2 асноўныя экалагічныя зоны. На прыбярэжных раўнінах дамінуе лугавая і лясная расліннасць, вышэй — тундра. Фаўна прадстаўлена шматлікімі марскімі птушкамі, ластаногімі, бурымі мядзведзямі, чарнабурымі лісамі і г. д. У мінулым каля берагоў сустракаліся марскія каровы.
Гісторыя правіць
Астравы Шумагіна былі здаўна населены алеутамі, якія называюць іх Qagiiĝun. 30 жніўня 1741 г. былі адкрыты расійскай экспедыцыяй на чале з В. Берынгам, названы ў гонар аднаго з чальцоў экспедыцыі. У апісанні 1839 г. на астравах узгадваюцца 12 вёсак. Акрамя мясцовых алеутаў, сюды былі пераселены алеуты з усходняй часткі Алеуцкіх астравоў. У 1867 г. архіпелаг быў перададзены пад кантроль ЗША. У пачатку XX ст. была створана рыбаперапрацоўчая прамысловасць, якая застаецца асновай эканомікі да нашых дзён.