Эдман Айвазян
Эдман Айвазян (арм.: Էդման Այվազյան; 20 жніўня 1932, Тэгеран — 25 сакавіка 2020, Лондан) — іранскі і брытанскі мастак армянскага паходжання.
| Эдман Айвазян | |
|---|---|
| перс.: اِدمان آیوازیان[1] арм.: Էդման Այվազյան | |
.jpg) | |
| Дата нараджэння | 10 жніўня 1932[2] |
| Месца нараджэння | |
| Дата смерці | 25 сакавіка 2020 (87 гадоў) |
| Месца смерці |
|
| Грамадзянства | |
| Род дзейнасці | мастак |
 Медыяфайлы на Вікісховішчы | |
Біяграфія правіць
Эдман Айвазян нарадзіўся 20 жніўня 1932 года ў Тэгеране ў армянскай сям’і. Цяга да малявання выявілася ў яго ў 13 гадоў. У Ісфахане вывучаў персідскую культуру. У 16 гадоў Айвазян заваяваў медаль «Маладыя людзі» на Міжнародным мастацкім конкурсе, а ў 1957 годзе, ва ўзросце 25 гадоў ён атрымаў першую прэмію, якая прысуджаецца сучаснымі іранскімі мастакамі і міністэрствам культуры Ірана. Пасля гэтага з мэтай працягу адукацыі ён адправіўся ў Рым, дзе ў мясцовай акадэміі мастацтваў правучыўся з 1964 па 1966 год[3]. Пасля Італіі на пастаяннае месца жыхарства пераехаў у Лондан. У 1984 годзе быў выпушчаны ў свет фотаальбом пад назвай «Армянская вёска», у якім былі змешчаны яго асноўныя працы. У прыватнасці цыкл карцін, прысвечаны армянскай тэматыцы. Адной з самых вядомых работ мастака з’яўляецца 250-метровы каліграфічны фрыз, створаны ім у 1985 годзе і размешчаны ў эр-рыядскім міжнародным аэрапорце «Кароль Халід». Акрамя гэтага Эдман Айвазян з’яўляецца аўтарам ўнутраных інтэр’ераў шэрагу армянскіх цэркваў у Еўропе і армянскага сабора Святога Саркіса ў Тэгеране[4]. У сваіх працах Эдман Айвазян закрануў эпас «Давід Сасунскі», праілюстраваў творы Аванеса Туманяна, стварыў мноства партрэтаў і марскіх пейзажаў. Працы Айвазяна знаходзяцца ў розных цэрквах і музеях.
У 2015 годзе міністэрствам дыяспары Арменіі быў узнагароджаны медалём «Арчыл горкі»[3]
Памёр у Лондане ад каронавіруснай інфекцыі COVID-19 25 сакавіка 2020 года[5].
Выстаўкі правіць
З 1950 па 1990 экспанаваўся ў многіх індывідуальных і групавых выстаўках у Іране, Арменіі, Вялікабрытаніі і ЗША.
- Групавая выстаўка персідска-армянскіх мастакоў «Саюза культуры», 1949
- Групавая выстаўка «Вясна» Клуб, Тэгеран, 1950
- Штогадовая выстаўка Усесаюзнага таварыства культурных сувязяў, Тэгеран, 1950—1951
- Групавая выстаўка «Іран-ЗША», Тэгеран, 1952
- Групавая выстаўка сучасных мастакоў, Тэгеран, 1954, 1955
- Выстаўка «Іран-ЗША», Тэгеран, 1956
- Персанальная выстаўка графічных работ, Гілдхол, Лондан, 1967
- Персанальная выстаўка , Гулбенкян Хол, Лондан, 1982
- Персанальная выстаўка, зала Горкага, Нью-Ёрк, 1983
- Саюз мастакоў Арменіі, Ерэван, 1987
- Выстаўка ў Арарат Клубе, Тэгеран
- Групавая выстаўка-фестываль, прысвечаная Камітасу, Канада, 2009
- «Колеры Радзімы», Ерэван, Нацыянальная галерэя Арменіі, 2015
- «Сустрэча з маім сябрам Саргісам Мурадзянам», Галерэя Саргіса Мурадзяна, 2016
Зноскі
- ↑ а б https://www.paymanonline.com/ا%D9%90دمان-ادیک-آیوازیان،نخستین-نقاش-ایر/ Праверана 26 сакавіка 2020.
- ↑ https://www.mallgalleries.org.uk/artist/edman-oaivazian-rsma-roi
- ↑ а б London-based Armenian painter Edman Ayvazian passed away. panorama.am (25 сакавіка 2020).
- ↑ The Tehran Times: В Тегеране открылись «Цвета родины» Эдмана Айвазяна. Российско-армянское информационное агентство (16 верасня 2016).
- ↑ [1]