Эдуард Плантагенет (17-ы граф Уорык)
Эдвард Плантагенет, 17-ы граф Уорык (25 лютага 1475 — 28 лістапада 1499) — адзіны сын Джорджа Плантагенета, 1-га герцага Кларэнса і Ізабелы Невіл, малодшы брат блажэннай Маргарэт Поўл, графіні Солсберы. Магчымы прэтэндэнт на трон Англіі ў перыяд валадарання каралёў Рычарда III і Генрыха VII. Ён быў апошнім законным прадстаўніком дому Ёркаў па мужчынскай лініі, а пасля яго смерці загасла дынастыя Плантагенетаў у мужчынскім пакаленні.
Эдвард Плантагенет, 17-ы граф Уорык | ||||
---|---|---|---|---|
Edward Plantagenet, 17th Earl of Warwick | ||||
![]() | ||||
![]() | ||||
|
||||
Папярэднік | Ганна Невіл, 16-я графіня Уорык | |||
Пераемнік | тытул канфіскаваны | |||
Нараджэнне |
25 лютага 1475 |
|||
Смерць |
28 лістапада 1499 (24 гады) |
|||
Месца пахавання | ||||
Род | Ёркі | |||
Бацька | George Plantagenet, 1st Duke of Clarence[d][1][2] | |||
Маці | Isabel Neville, Duchess of Clarence[d][1][2] | |||
Веравызнанне | каталіцтва | |||
![]() |
Біяграфія
правіцьЭдвард Плантагенет нарадзіўся 25 лютага 1475 года ва Уорыку, у фамільным маёнтку яго маці, Ізабелы Невіл, старэйшай дачкі Рычарда Невіла, графа Уорыка («Стваральнік каралёў»). Ён стаў графам Уорык пасля пакарання смерцю яго бацькі Джорджа Плантагенета, 1-ы герцага Кларэнс, па абвінавачванні ў дзяржаўнай здрадзе. У верасні 1483 года Эдвард быў пасвечаны ў рыцары Рычардам III у г. Ёрк. Паводле гісторыка Джона Роўза, пасля смерці адзінага сына Рычарда III Эдуарда Мідлгемскага, ён абвясціў сваім спадчыннікам менавіта графа Уорыка.
Пасля гібелі Рычарда III у бітве пры Босварце ў 1485 годзе Эдварда, якому было 10 гадоў, пасадзілі ў Таўэр па загадзе першага караля з дынастыі Цюдараў Генрыха VII. Ён знаходзіўся ў зняволенні да 1499 года, пакуль не ўспыхнула паўстанне пад кіраўніцтвам Перкіна Уорбека і не была раскрыта змова з мэтай дпамагчы графу Уорвіку бегчы. 21 лістапада 1499 года Эдуард быў асуджаны судом у Вэстмінстэры і прызнаны вінаватым. Праз тыдзень ён быў абезгалоўлены, а галава і цела былі пахаваны ў абацтве Бішам у Беркшыры за кошт Генрыха VII. Cа смерцю Эдуарда спынілася прамая законная мужчынская лінія Плантагенетаў.
Зноскі
- ↑ а б Lundy D. R. The Peerage
- ↑ а б Kindred Britain