Элен Баркін

Элен Рона Баркін (англ.: Ellen Rona Barkin; нар. 16 красавіка 1954, Бронкс, Нью-Ёрк) — амерыканская актрыса, лаўрэат прэмій «Эмі» і «Тоні».

Элен Баркін
Дата нараджэння	16 красавіка 1954(1954-04-16)[…] (70 гадоў)
Месца нараджэння	Бронкс, Нью-Ёрк, штат Нью-Ёрк, ЗША
Грамадзянства	ЗША
Муж	Гэбрыэл Бірн і Ronald Perelman[d]
Адукацыя	Хантэрскі каледж[d] Вышэйшая школа Фіярэла Г. Ла-Гуардзія[d]
Прафесія	тэатральная актрыса, кінаактрыса, тэлеактрыса, кінапрадзюсар
Узнагароды	прэмія «Тэатральны свет»[d] (2011) Tony Award for Best Featured Actress in a Play[d] (2011) Прайм-тайм прэмія «Эмі» за найлепшую жаночую ролю ў кароткаметражным камедыйным ці драматычным серыяле[d] (1998) Прайм-тайм прэмія «Эмі» за найлепшую жаночую ролю ў міні-серыяле ці тэлефільме[d] (1998)
IMDb	ID 0000289
Медыяфайлы на Вікісховішчы

Біяграфія

Нарадзілася ў Бронксе, штат Нью-Ёрк, у сям’і Эвелін (у дзявоцтве Разін), адміністратара шпіталя і Сола Баркін, прадаўца хімічных прэпаратаў. Баркін расла ў небагатай яўрэйскай сям'і, продкамі якой былі эмігранты з тэрыторыі, размешчанай на беларуска-польскай мяжы. Баркін атрымала сярэднюю адукацыю ў школе мастацтваў у Манхэтане. Пасля працягнула сваё навучанне ў Хантэрскім Каледжы. Мае дыплом не толькі па драматычным майстэрстве, але і па гісторыі. Працягнула сваю адукацыю ў Акцёрскай студыі ў Нью-Ёрку.

Баркін вывучала акцёрскае майстэрства ў нью-ёркскай акцёрскай школе. Тэатральны дэбют адбыўся ў адным з невялікіх нью-ёркскіх тэатраў. Адначасова яна была запрошана на невялікія эпізадычныя ролі ў розных тэлесерыялах. У 1982 годзе Баркін атрымала першую ролю ў фільме Бары Левінсана «Забягалаўка». У наступнае дзесяцігоддзе яна знялася ў шэрагу кінафільмаў, у тым ліку «Падмена», роля ў якім прынесла ёй намінацыю на «Залаты глобус».

У 1998 атрымала прэмію «Эмі» за найлепшую жаночую ролю ў міні-серыяле або фільме — за ролю ў серыяле "Разбітыя сэрцы".

Новы поспех чакаў Баркін у 2004 годзе ў фільмах Спайка Лі «Яна ненавідзіць мяне» і Тода Соландза «Перавертышы». У 2007 годзе Баркін знялася ў фільме «Трынаццаць сяброў Оўшэна».

У 2016 годзе Баркін узяла на сябе галоўную ролю кіраўніка крымінальнага сямейства ў серыяле TNT «Царства жывёл», тэлеверсіі аднайменнага фільма 2010 года.

У 2021 годзе выйшла камедыя Тэйта Тэйлара "Даць дуба ў акрузе Юба" пры ўдзеле актрысы. У фільме таксама сыгралі Элісан Джэні і Міла Куніс.