16 красавіка

16 красавіка — сто шосты (сто сёмы ў высакосны год) дзень года па Грыгарыянскім календары.

Падзеі

Берлінскі паветраны мост.

• 1346: Стэфан Ураш IV Душан быў каранаваны як «цар сербаў і грэкаў».
• 1818: Ян Чачот паводле рэкамендацыі Адама Міцкевіча залічаецца ў Таварыства філаматаў.
• 1934: У СССР уведзена ганаровае званне Герой Савецкага Саюза.
• 1945: Савецкія войскі пачалі Берлінскую наступальную аперацыю.
• 1949: Па Берлінскім паветраным мосце ў Заходні Берлін за дзень было дастаўлена 12849 тон грузаў.
• 1983: Студэнты-беларусы ў Варшаве ў межах Згуртавання польскіх студэнтаў (ZSP) стварылі Раду культуры студэнтаў беларускай нацыянальнасці.
• 1992: Беларусь устанавіла дыпламатычныя адносіны з Кубай.
• 1999: Пачаў камерцыйную дзейнасць першы сотавы аператар стандарту GSM у Беларусі — кампанія «Мабільная лічбавая сувязь» (з жніўня 2019 — «А1»).
• 2003: Падпісаны Афінскі трактат аб прыняцці ў ЕС дзесяці дзяржаў: Венгрыі, Польшчы, Кіпра, Літвы, Латвіі, Мальты, Славакіі, Славеніі, Чэхіі і Эстоніі.

Нарадзіліся

Язэп Варонка

• 1319: Іаан II Добры, кароль французскі
• 1660: Ганс Слоан, англійскі медык, натураліст
• 1844: Анатоль Франс, французскі пісьменнік
• 1863: Людвік Куба, чэшскі этнограф, мастак і пісьменнік
• 1867: Уілбер Райт, пачынальнік самалётабудавання, старэйшы з братоў Райт (пам. 30.5.1912)
• 1887: Гуд'ёўн Самуэльсан, ісландскі архітэктар
• 1889: Чарлі Чаплін, амерыканскі акцёр (пам. 25.12.1977)
• 1891: Язэп Варонка, беларускі палітык, першы старшыня Народнага сакратарыята БНР (пам. 4.7.1952)
• 1921: Пітэр Усцінаў, англійскі пісьменнік, акцёр, рэжысёр
• 1924: Алег Луцэвіч, беларускі мастак-графік, педагог
• 1924: Генры Манчыні, амерыканскі кампазітар і дырыжор
• 1927: Бенедыкт XVI, Папа Рымскі
• 1928: Алег Сурскі, беларускі дызайнер, мастак, арт-крытык і мастацтвазнаўца
• 1935: Анатоль Клышка, беларускі пісьменнік
• 1935: Дамінік Венер, французскі пісьменннік, гісторык
• 1940: Маргрэтэ II, каралева Даніі
• 1971: Наталля Зверава, беларуская тэнісістка
• 1971: Свен Фішэр, нямецкі біятланіст
• 1977: Алек Век, англійская топ-мадэль

Памерлі

Франсіска Гойя

• 69: Марк Сальвій Атон, імператар рымскі
• 1446: Філіпа Брунелескі, італьянскі архітэктар, скульптар і навуковец (нар. 1377)
• 1757: Даніель Гран, аўстрыйскі мастак
• 1788: Жорж-Луі Леклерк дэ Бюфон, французскі натураліст
• 1828: Франсіска Гойя, іспанскі мастак (нар. 30.3.1746)
• 1913: Міраслаў Кралевіч, харвацкі мастак і скульптар
• 1915: Рычард Лідэкер, англійскі натураліст, геолаг
• 1940: Адам Багдановіч, беларускі фалькларыст, этнограф і мовазнавец, бацька М. Багдановіча (нар. 20.3.1862)
• 1951: Адольф Рудольфавіч Больм, амерыканскі танцоўшчык
• 1967: Алесь Рылько, беларускі драматург
• 1968: Фэй Бейнтэр, амерыканская актрыса
• 1972: Ясунары Кавабата, японскі пісьменнік, лаўрэат Нобелеўскай прэміі па літаратуры 1968 года (нар. 11.6.1899)
• 1977: Альфрэд Леніца, польскі мастак
• 1978: Нагаміці Курода, японскі арнітолаг
• 1978: Рыхард Лінднер, амерыканскі мастак
• 1985: Скот Брэйдзі, амерыканскі акцёр
• 1998: Альберта Кальдэрон, аргенцінскі матэматык

Святкуюць

• Балгарыя, Дзень першай канстытуцыі, Дзень юрыста.
• Данія, Грэнландыя, Дзень нараджэння каралевы Маргрэт.

• На Вікісховішчы ёсць медыяфайлы па тэме 16 красавіка