Элізабэт Бэнэт
Элізабэт Бэнэт (англ.: Elizabeth Bennet), таксама Элайза або Эліза (англ.: Eliza) і Лізі (англ.: Lizzy) — выдуманы персанаж і галоўная гераіня рамана Джэйн Осцін «Пыха і перадузятасць».
| Элізабэт Бэнэт | |
| англ.: Elizabeth Bennet | |
.jpg)
| |
| Элізабэт Бэнэт, ілюстрацыя Чарлза Брока | |
| Стваральнік: | Джэйн Осцін |
| Творы: | «Пыха і перадузятасць» |
| Пол: | жаночы |
| Нацыянальнасць: | англічанка |
| Месца жыхарства: | Лонгбарн |
| Узрост: | 20 |
| Месца нараджэння: | Хартфардшыр |
| Сям’я: | містэр Бэнэт (бацька), місіс Бэнэт (маці), Джэйн, Мэры, Кіці, Лідыя (сёстры) |
| Ролю выконвае: | Карыгвен Льюіс (1938), Грыр Гарсан (1940), Дафна Слейтэр (1952), Джэйн Даўнс (1958), Селія Банерман (1967), Элізабэт Гарві (1980), Джэніфер Эль (1995), Кіра Найтлі (2005) |
Сюжэт рамана засяроджаны на спробах Элізабэт знайсці каханне і шчасце ў рамках абмежаванняў і правіл прыстойнасці англійскага грамадства пачатку XIX стагоддзя. Элізабэт Бенет, як правіла, лічыцца адной з самых папулярных і мілых гераінь Осцін і адным з самых папулярных жаночых вобразаў у англійскай літаратуры.
Элізабэт — другая з пяці сясцёр. Яна і яе сям’я жывуць у маёнтку Лонгбарн, размешчаным непадалёк ад мястэчка Мерытана, графства Хартфардшыр. У пачатку рамана Элізабэт 20 гадоў. Яна апісваецца як прывабная і выхаваная дзяўчына, якая вылучаецца назіральнасцю. Лізі крыху іграе на фартэпіяна. Яе найлепшымі сяброўкамі з’яўляюцца сястра Джэйн і суседская дзяўчына Шарлота Лукас. Адносіны з апошняй некалькі пагоршыліся, калі Шарлота выйшла замуж за кузена і былога прыхільніка Элізабэт, дурнаватага і недарэчнага містэра Колінза, але праз некаторы час Лізі і Шарлота зноў сталіся найлепшымі сяброўкамі.
Ролю Элізабэт Бэнэт у тэле- і кінаадаптацыях выконвалі Карыгвен Льюіс (1938), Грыр Гарсан (1940), Дафна Слейтэр (1952), Джэйн Даўнс (1958), Селія Банерман (1967), Элізабэт Гарві (1980), Джэніфер Эль (1995), Кіра Найтлі (2005).