Эн Бронтэ
Эн (Га́нна) Бро́нтэ (англ.: Anne Brontë; 17 студзеня 1820, Торнтан, Іаркшыр, Вялікабрытанія — 28 мая 1849, Скарбара, Паўночны Іаркшыр, там жа) — англійская пісьменніца і паэтэса, малодшая з трох сясцёр Бронтэ. Аўтар раманаў «Агнэс Грэй» і «Незнаёмка з Уайлдфел-Хола», а таксама шэрагу вершаў[4][5].
| Эн Бронтэ | |
|---|---|
| Anne Brontë | |
 | |
| Асабістыя звесткі | |
| Псеўданімы | Эктан Бел |
| Дата нараджэння | 17 студзеня 1820[1][2][…] |
| Месца нараджэння |
|
| Дата смерці | 28 мая 1849[1][2][…] (29 гадоў) |
| Месца смерці | |
| Пахаванне | |
| Грамадзянства |
.svg){kind=small} Вялікабрытанія |
| Бацька | Патрык Брантэ[d][3] |
| Маці | Марыя Брантэ[d][3] |
| Прафесійная дзейнасць | |
| Род дзейнасці | паэт, раманіст |
| Гады творчасці | 1836—1849 |
| Жанр | крытычны рэалізм, |
| Мова твораў | англійская |
| Подпіс |
 |
 Медыяфайлы на Вікісховішчы | |
Эн Бронтэ была малодшай дачкой беднага святара ірландскага паходжання Патрыка Бронтэ і яго жонкі Марыі Брэнуэл. Маці памерла, калі Эн не споўнілася і двух гадоў. Большую частку свайго жыцця Эн правяла ў вёсцы Хаўарт (Заходні Іаркшыр). Правучыўшыся два гады ў школе Роу Хэд, яна пачала працаваць гувернанткай і стала адзінай з сясцёр Бронтэ, якая дамаглася поспеху ў гэтай справе: нягледзячы на няўдачу пры першым працаўладкаванні ў сям'і Інгэм, у далейшым дзяўчына на працягу пяці гадоў навучала і выхоўвала дзяцей сямейства Робінсан. Па завяршэнні гэтага перыяду малодшая Бронтэ, як і яе сёстры, пачынае літаратурную кар'еру. У 1846 годзе выйшаў сумесны зборнік вершаў Шарлоты, Эмілі і Эн, у наступным годзе — раман Эн «Агнэс Грэй», заснаваны на яе досведзе працы гувернанткай. Поспех прыйшоў да пісьменніцы з другім раманам — «Незнаёмка з Уайлдфел-Хола». Кніга, апублікаваная ў 1848 годзе, крытыкавала становішча жанчыны ў сям'і, кідаючы выклік маральным асновам віктарыянскай Англіі. «Незнаёмка з Уайлдфел-Хола» лічыцца адным з першых фемінісцкіх раманаў. Праз год пасля выдання кнігі 29-гадовая Эн Бронтэ памерла ад сухот.
У параўнанні з вядомасцю старэйшых сясцёр — Шарлоты, аўтара чатырох раманаў (уключаючы «Джэйн Эйр»), і Эмілі, якая напісала «Навальнічны перавал», — літаратурная слава Эн Бронтэ невялікая. Асноўнай прычынай гэтага прынята лічыць тое, што пасля смерці малодшай сястры Шарлота забараніла да далейшай публікацыі «Незнаёмку з Уайлдфел-Хола» — твор, які выклікаў шырокі рэзананс у грамадстве. Абедзве кнігі Эн, якім уласцівыя рэалізм і іронія, карэнным чынам адрозніваюцца ад рамантычных твораў яе сясцёр — але гэтак жа, як раманы Шарлоты і Эмілі, сталі класікай англійскай літаратуры.
Зноскі
- ↑ а б в Oxford Dictionary of National Biography / C. Matthew — Oxford: OUP, 2004.
- ↑ а б Anne Brontë // Brockhaus Enzyklopädie
- ↑ а б в Blain V., Grundy I., Clements P. The Feminist Companion to Literature in English: Women Writers from the Middle Ages to the Present — 1990. — P. 139.
- ↑ Бронте Шарлотта // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
- ↑ Бронте (руск.) — артыкул з Вялікай савецкай энцыклапедыі (3-е выданне)
Літаратура правіць
- Alexander, Christine; Smith, Margaret. The Oxford Companion to the Brontes. — Oxford University Press, 2004. — 640 p. — ISBN 0-19-866218-1.
- Allott, Miriam. The Brontës: The Critical Heritage. — Routledge & Kegan Paul Books, 1974. — 475 p. — ISBN 0-71-007701-7.
- Barker, Juliet. The Brontës. — St. Martin’s Pr., 1996. — 1003 p. — ISBN 0-312-14555-1.
- Chitham, Edward. A Brontë Family Chronology. — Palgrave Macmillan, 2004. — 288 p. — ISBN 1-40-390112-0.
- Chitham, Edward. A Life of Anne Brontë. — Oxford: Blackwell Publishers, 1991. — 224 p. — ISBN 0-631-18944-0.
- Eagleton, Terry. Myths of Power: A Marxist Study of the Brontes. — Macmillan, 1975. — 148 p. — ISBN 0-06-491866-1.
- Fraser, Rebeca. The Brontës: Charlotte Brontë and her family. — Crown Publishers, 1988. — 543 p. — ISBN 0-51-756438-6.
- Gérin, Winifred. Anne Brontë. — Allen Lane, 1976. — 388 p. — ISBN 0-71-390977-3 [першая публікацыя — 1959].
- Glen, Heather. The Cambridge Companion to the Brontës. — Cambridge University Press, 2003. — 272 p. — ISBN 0-52-177971-5.
- Harrison, Ada; Stanford, Derek. Anne Brontë – Her Life and Work. — Archon Books, 1970. — 252 p. — ISBN 0-20-800987-6 [першая публікацыя — 1959].
- Langland, Elizabeth. Anne Brontë: The Other One. — Macmillan, 1989. — 184 p. — ISBN 0-33-342300-3.
- Martin, Christopher. The Brontës (Life and Works). — Rourke Enterprises, 1989. — 112 p. — ISBN 0-86-592299-3.
- Miller, Lucasta. The Brontë Myth. — Anchor, 2005. — 368 p. — ISBN 1-40-007835-0.
- Moore, George. Conversations in Ebury Street. — W. Heinemann Ltd., 1930. — 270 p.
- Scott, P. J. M. Anne Brontë: A New Critical Assessment. — Rl Innactive Titles, 1983. — 144 p. — ISBN 0-38-920345-9.
- The Brontës: Their Lives, Friendships and Correspondences / T. J. Wise, J. A. Symington (eds.). — Blackwell, 1932. — 392 p. — ISBN 0-63-112431-4 [1980, рэпрынт].
Спасылкі правіць
- Anne Brontë – The Scarborough Connection (англ.). — Сайт, прысвечаны жыцці і творчасці Эн Бронтэ. Архівавана з першакрыніцы 20 лістапада 2012. Праверана 7 лістапада 2012.
- Ann Bronte Remembered in Scarborough (англ.)(недаступная спасылка). — Сайт, прысвечаны знаходжанню Эн Бронтэ ў Скарбара. Архівавана з першакрыніцы 20 лістапада 2012. Праверана 7 лістапада 2012.
- Anne Bronte (англ.)(недаступная спасылка). — Сайт, прысвечаны творчасці Эн Бронтэ. Прадстаўлены тэксты двух яе раманаў і некаторыя вершы. Архівавана з першакрыніцы 10 сакавіка 2012. Праверана 7 лістапада 2012.