Юрый Навумавіч Трахтэнберг

Юрый Навумавіч Трахтэнберг (7 чэрвеня 1938, Кіеў — 1991) — беларускі архітэктар.

Юрый Навумавіч Трахтэнберг
Дата нараджэння	7 чэрвеня 1938(1938-06-07)
Месца нараджэння	Кіеў, УССР, СССР
Дата смерці	1991
Грамадзянства	БССР
Бацька	Навум Яфімавіч Трахтэнберг
Альма-матар	БПІ (1969)
Месца працы	Белдзяржпраект Белдзіпрагандаль Мінскпраект Белгандальрэклама[d]
Член у	Саюз архітэктараў СССР Беларускі саюз архітэктараў

Біяграфія

Сын архітэктара Навума Трахтэнберга. Скончыў Беларускі політэхнічны інстытут у 1969 годзе. Працаваў у Белдзяржпраекце, Белдзіпрагандлі, з 1971 года — кіраўнік групы архітэктараў, вядучы архітэктар у Мінскпраекце, з 1981 года — мастак у вытворчым камбінаце «Белгандальрэклама».

Член Саюза архітэктараў СССР з 1969 года. Пражываў у Мінску.

Творчасць

Асноўныя працы: інтэр’еры ўстаноў гандлю і бытавога абслугоўвання ў 9-павярховых жылых дамах па вул. В. Харужай, заводская сталовая на бульвары Талбухіна, навучальна-курсавая база па вул. Чырваназоркавай (1969—1980) у Мінску; у аўтарскім калектыве: мемарыяльны комплекс у Лідзе, бібліятэка і Музей баявой славы ў Мядзеле, афармленне крам, выставак (1973—1983).

Літаратура

• Трахтенберг Юрий Наумович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)