Янава (Круглянскі раён)

Янава
Краіна	Беларусь
Вобласць	Магілёўская
Раён	Круглянскі
Сельсавет	Філатаўскі
Каардынаты	54°15′26″ пн. ш. 29°36′02″ у. д.HGЯO
Насельніцтва	▼13 чал. (2009);
Часавы пояс	UTC+3
Тэлефонны код	+375 2234
Аўтамабільны код	6
СААТА	7242817090

Я́нава^[1] (трансліт.: Janava, руск.: Яново) — вёска ў Круглянскім раёне Магілёўскай вобласці. Уваходзіць у склад Філатаўскага сельсавета.

Геаграфія правіць

Знаходзіцца за 13 км на захад ад Круглага, 92 км ад Магілёва, 10 км ад чыгуначнай станцыі Слаўнае на лініі Орша — Мінск. На паўночна-заходняй ускраіне цячэ р. Аслік (прыток р. Друць). Транспартныя сувязі ажыццяўляюцца па мясцовай дарозе і далей па шашы Слаўнае — Круглае.

Гісторыя правіць

У ХІХ ст. тут быў маёнтак, гаспадар якога ў 1840 г. валодаў 1531 дзесяцінай зямлі, меў вадзяны млын і карчму. У 1897 г. у фальварку 1 двор, 66 жыхароў (38 мужчын, 28 жанчын), маслабойка, капліца. У 1909 г. у маёнтку 1 двор, 1 жыхар, у Паўлавіцкай воласці Магілёўскага павета.

Савецкая ўлада ўстаноўлена ў лістападзе 1917 г. З лютага да кастрычніка 1918 г. акупіравана войскамі кайзераўскай Германіі. З 20.8.1924 г. у Круглянскім раёне Аршанскай акругі (да 26.7.1930), з 8.7.1931 г. у Талачынскім, 12.2.1935 г. у Круглянскім раёнах, з 20.2.1938 г. Магілёўскай вобласці, з 16.9.1959 г. да 30.7.1966 г. у Бялыніцкім раёне. У 1926 г. — 1 хутар, 2 двары, 6 жыхароў. У ліпені 1931 г. арганізаваны калгас, працавала ваўначоска. У Вялікую Айчынную вайну з ліпеня 1941 г. да 27.6.1944 г. акупіравана нямецка-фашысцкімі захопнікамі.

У 1993 годзе 19 гаспадарак, 39 жыхароў. Вёска ў складзе саўгаса «Круча», дзейнічае ферма буйной рагатай жывёлы. Да 21 снежня 2011 года вёска ўваходзіла ў склад Кручанскага сельсавета^[2].

Зноскі

↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
↑ «Об изменении административно-территориального устройства некоторых административно-территориальных единиц Могилевской области». Решение Могилевского областного Совета депутатов от 21 декабря 2011 г. № 13-9 Архівавана 14 красавіка 2019. (руск.)

Літаратура правіць

Памяць: Гіст.-дакум. хроніка Круглянскага р-на. — Мн.: БелЭн, 1996. — 586, [2] с. ISBN 985-11-0054-4

Спасылкі правіць

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)

[2] «Об изменении административно-территориального устройства некоторых административно-территориальных единиц Могилевской области». Решение Могилевского областного Совета депутатов от 21 декабря 2011 г. № 13-9 Архівавана 14 красавіка 2019. (руск.)

[1]

[2]