Ян ван Амстэл

Ян ван Амстэл, таксама Ян дэ Холандэр (нідэрл. Jan van Amstel; каля 1500, Амстэрдам — каля 1542) — фламандскі мастак, прадстаўнік Паўночнага Адраджэння.

Ян ван Амстэл
Род дзейнасці	мастак, рысавальнік
Дата нараджэння	1500
Месца нараджэння	Амстэрдам, графства Галандыя, Свяшчэнная Рымская імперыя
Дата смерці	1542
Месца смерці	Антверпен, Антверпенская марка, Герцагства Брабант, Габсбургскія Нідэрланды
Член у	Антверпенская гільдыя Святога Лукі[d]
Медыяфайлы на Вікісховішчы

Біяграфія

Нідэрландскага паходжання. У гарадскіх кнігах запісаны як Ян Ван Амстэл Артсанэ. Верагодна, старэйшы брат Пітэра Артсена і зяць Пітэра Кука ван Альста.

Каля 1528 года пераехаў у Антверпен і быў прыняты ў гільдыю святога Лукі гэтага горада. Ажаніўся з Адрыянай ван Даорніке, якая пасля яго смерці зноў выйшла замуж і ў 1544 годзе нарадзіла будучага мастака Гіліса ван Конінгслоа.

Папярэднік Пітэра Брэйгеля. Пісаў карціны на рэлігійныя тэмы і жанравыя палотны, якія паказваюць сцэны ў карчмах і інш.

Памёр у Антверпене.