1146-ы гвардзейскі зенітна-ракетны полк
1146-ы гвардзейскі зенітны ракетны полк — гвардзейскае фарміраванне (воінская часць) зенітна-ракетных войскаў супрацьпаветранай абароны і ваенна-паветраных сіл УС Беларусі.
1146-ы гвардзейскі зенітна-ракетны полк (1146 гв.зрп) | |
---|---|
Гады існавання | з верасня 1941 года |
Краіна | Рэспубліка Беларусь |
Падпарадкаванне | камандзір у полка |
Уваходзіць у | ВПС і СПА → Узброеныя Сілы Рэспублікі Беларусь |
Тып | гвардзейскі зенітна-ракетны полк |
Дыслакацыя | Орша → Баранавічы → Астравец |
1 снежня 2017 года на аэрадроме ў Баранавічах адбылася ўрачыстая цырымонія адраджэння падраздзялення[1] 1146-га гвардзейскага зенітнага ракетнага палка[2]. Полк абсталяваны зенітнымі ракетнымі комплексамі малой далёкасці 9К332МК або «Тор-М2К». Полк першым у Беларусі ўзброены зенітным ракетным комплексам СПА «Тор-М2»[2], які здольны змагацца з балістычнымі паветранымі мэтамі і крылатымі ракетамі на розных вышынях. Скарочанае сапраўднае найменне, якое ўжываецца ў дакументах — 1146 гв.зрп.
Гісторыя правіць
Сваю гісторыю 1146-ы полк СПА вядзе з верасня 1941 года як 251-ы асобны зенітны артылерыйскі дывізіён сфармаваны ў Ленінградзе, у ДАФ з 12 кастрычніка 1941 года па 23 жніўня 1943 года. Падчас вайны асноўнай задачай дывізіёна было прыкрыццё Ленінграда і «Дарогі жыцця» на Ладажскім возеры. Далей дывізіён за мужнасць і гераізм асабістага складу праяўленыя пры абароне Айчыны быў ператвораны ў гвардзейскі, атрымаўшы новы нумар 36-ы гвардзейскі асобны зенітны артылерыйскі дывізіён[3], асабісты склад якога за гады Вялікай Айчыннай вайны знішчыў 116 самалётаў, 13 танкаў, 87 аўтамашын, 5 артылерыйскіх і тры мінамётныя батарэі, прыблізна 1 800 салдат і афіцэраў[3] нацысцкай Германіі. У дзеючай арміі з 23 жніўня 1943 года па 31 снежня 1944 года. У 1956 годзе на тэрыторыі Беларускай ССР на базе 36-га гвардзейскага зенітна-артылерыйскага дывізіёна сфарміраваны 1146-ы гвардзейскі зенітны артылерыйскі полк войскаў СПА краіны. У 1961 годзе полк быў перафармаваны ў зенітны ракетны з абсталяваннем зенітна-ракетным комплексам (ЗРК) серыі С-75. У познесавецкія гады 1146-ы полк з ЗРК серыі С-75 і С-125 уваходзіў у склад 11-га корпуса СПА (упраўленне ў Баранавічах) 2-й асобнай арміі СПА, і традыцыйна з’яўляўся адной з «узорна-паказальных» частак войскаў СПА ў БССР. З 1992 года полк пад беларускай юрысдыкцыяй, расфармаваны ў 2001 годзе.
«Упершыню ў гісторыі Беларусі мы сфармавалі гвардзейскі зенітны ракетны полк. Ён будзе мабільным. Яго прызначэнне, — выканаць пастаўленыя задачы па супрацьпаветранай абароне ў зададзеным раёне. Упэўнены, што цяперашнія воіны-гвардзейцы стануць годнымі пераемнікамі традыцый, якія закладзены іх папярэднікамі.»— Камандуючы Ваенна-паветранымі сіламі і войскамі супрацьпаветранай абароны Узброеных Сіл Рэспублікі Беларусь генерал-маёр Ігар Галуб[4].
1 снежня 2017 года 1146-ы гвардзейскі зенітны ракетны полк зноў сфарміраваны і ўзброены 4 дывізіёнамі Тор-М2К. У 2018 годзе паспяхова прайшлі стральбы беларускіх «Тораў» на палігоне Ашулук пад Астраханню[3]. 1 снежня 2018 года полк заступіў на баявое дзяжурства. Пазней у строй часткі ўстала пятая зенітная ракетная батарэя ЗРК «Тор-М2К».
Знакі адрознення правіць
Асноўнае ўзбраенне правіць
Асноўнае ўзбраенне палка:
- чатыры батарэі ЗРК 9К332МК або «Тор-М2К» (у кожную ўваходзяць чатыры баявыя машыны 9А331К на колавым шасі МЗКЦ-6922).
Камандзір правіць
- Дзяніс Зык[4], гвардыі падпалкоўнік (2017 — лістапад 2018);
- Андрэй Долбік, гвардыі падпалкоўнік (1 снежня 2018 — па цяперашні час)
Зноскі
- ↑ Новости ВПК. На церемонии «возрождения» 1146-го гвардейского зенитного ракетного полка ВВС и войск ПВО Белоруссии. Барановичи (Белоруссия), 01.12.2017.
- ↑ а б в Белтелерадиокомпания, «В Барановичах восстановили 1146-й гвардейский зенитно-ракетный полк». Архівавана 9 лютага 2018.
- ↑ а б в Сайт рг.ру, «Белорусский полк вооружили российскими ракетами.»
- ↑ а б Сайт белта.бу, Гвардейский 1146-й зенитный ракетный полк возрождён в Беларуси.
Спасылкі правіць
- Белтелерадиокомпания, «В Барановичах восстановили 1146-й гвардейский зенитно-ракетный полк». Архівавана 9 лютага 2018.
- Сайт белта.бу, Гвардейский 1146-й зенитный ракетный полк возрождён в Беларуси.
- Сайт рг.ру, «Белорусский полк вооружили российскими ракетами.»
- Новости ВПК. На церемонии «возрождения» 1146-го гвардейского зенитного ракетного полка ВВС и войск ПВО Белоруссии. Барановичи (Белоруссия), 01.12.2017.