Вікіпедыя

GNU Radio

GNU Radio — свабодны інструментарый для пабудовы праграмна-вызначанага радыё. Яго можна выкарыстоўваць для апрацоўкі сігналаў з лёгкадаступнага таннага вонкавага апаратнага модуля, або без яго ў рэжыме сімуляцыі. Шырока выкарыстоўваецца для вывучэння, будавання і разгортвання праграмнага радыё, як у бізнэсе, так і ў акадэмічнай галіне.

GNU Radio
Тып Радыё
Аўтар GNU Project
Распрацоўшчык Эрык Блосам
Напісана на C++, Python
Аперацыйная сістэма Шматплатформенная
Першы выпуск 2001
Апошняя версія
  • 3.10.7.0 (15 ліпеня 2023)[1]
Ліцэнзія GNU General Public License
Сайт gnuradio.org — афіцыйны сайт
Лагатып Вікісховішча Медыяфайлы на Вікісховішчы

Агляд Правіць

Кампаненты GNU Radio пераважна напісаны на мове праграмавання Python, тады як крытычныя да прадукцыйнасці кампаненты апрацоўкі сігналу — на C++ з выкарыстаннем пашырэнняў працэсара для працы з нефіксаванай коскай, дзе гэта магчыма. Такім чынам, распрацоўнік можа рэалізоўваць рэалтаймавыя радыёсістэмы з высокай прапускной здольнасцю ў простым для выкарыстання асяроддзі распрацоўкі.

GNU Radio падтрымлівае распрацоўку алгарытмаў апрацоўкі сігналаў з выкарыстаннем папярэдне запісаных або згенераваных даных, што дазваляе пазбегнуць неабходнасці ўжываць рэальнае знешняе абсталяванне.[2]

Як і ва ўсіх сістэмах праграмна-вызначанага радыё, пераканфігураванне з’яўляецца ключавой асаблівасцю. Замест набыцця некалькіх дарагіх радыё можна мець адзін агульны прыёмнік, сігнал з якога апрацоўваецца праграмна. GNU Radio змяшчае пэўную колькасць ужо гатовых блокаў дэмадуляцыі для розных тыпаў сігналаў, але калі чалавек разумее матэматыку радыёсістэмы, можна перанаставіць GNU Radio і на атрыманне іншых тыпаў.

Гісторыя Правіць

У 2001 г. GNU Radio з’явіўся як афіцыйны праект GNU. Філантроп Джон Гілмар ініцыяваў і падтрымаў GNU Radio, выдаткаваўшы $320,000 Эрыку Блосаму на напісанне коду і кіраўніцкія патрэбы.

GNU Radio напачатку быў форкам Pspectra, код якой напісаны праектам SpectrumWare ў Масачусецкім тэхналагічным інстытуце (МТІ). У 2004 поўнае перапісванне GNU Radio было завершана, таму сёння GNU Radio не змяшчае нічога з коду Pspectra.

GNU Radio быў выкарыстаны ў танных сістэмах пасіўных радараў.[3][4]

У верасні 2010 кіраўнік праекта Эрык Блосам сышоў у адстаўку і яго замяніў Том Ронда.[5] Том ёсць выпускніком Virginia Tech і спецыялістам па кагнітыўным радыё, на той момант ён ужо даўно удзельнічаў у распрацоўцы GNU Radio.

GNU Radio Companion Правіць

GNU Radio Companion (GRC) — гэта графічны інтэрфэйс для распрацоўкі праграм GNU Radio, франтэнд да бібліятэк сігнальнай апрацоўкі. Яўляе сабой рэдактар дыяграм, у якім карыстальнік злучае блокі патрэбным чынам, атрымліваючы наглядную блок-схему праходжання сігналу. GRC распрацаваў Джош Блюм падчас навучання ва ўніверсітэце Джонса Хопкінса (2006—2007). GRC распаўсюджваецца свабодна з Хакфэсту кастрычніка 2009 г. Быў паспяхова выкарыстаны ў некалькіх універсітэтах.[6] GRC афіцыйна у складзе gnuradio з версіі 3.2.

Зноскі Правіць

  1. ↑ Release 3.10.7.0 — 2023. Праверана 22 ліпеня 2023.
  2. ↑ Увядзенне ў GNU Radio на афіцыйным сайце Архівавана 5 жніўня 2013.
  3. ↑ «Detect airplane/UAV using Passive Radar technology.» Архівавана 11 жніўня 2014.
  4. ↑ «GNU Radio Passive Radar Project.» Архівавана 31 студзеня 2014.
  5. ↑ Ліст у рассылцы GNU Radio, дзе Эрык Блосам прэзентуе Тома Ронда як новага кіраўніка праекта
  6. ↑ GNU Radio Companion. personal (2013). Праверана 14 September 2013.

Спасылкі Правіць

Узята з "https://be.wikipedia.org/w/index.php?title=GNU_Radio&oldid=4397035"