Слова Microglossum паходзіць ад грэчаскіх слоў mikrós + glōssa і літаральна азначае «маленькі язык». Відавы эпітэт viride паходзіць ад лацінскага viridis, што азначае «зялёны».
Microglossum viride быў апісаны Хрысціянам Генрыхам Персанам(руск.) (бел. у 1797 годзе як Geoglossum viride. У 1879 годзе ён быў перанесены ў род мікраглосум (Microglossum).
Калекцыі зялёных прадстаўнікоў роду Microglossum з лускаватай ножкай звычайна называлі M. viride. У 2014 годзе марфалагічныя і малекулярныя дадзеныя выявілі яшчэ адзін таксон, схаваны пад гэтай назвай, які быў выдзелены і апісаны як новы, Microglossum griseoviride (яго эпітэт азначае «шэра-зялёны»). Акрамя мікраскапічных характарыстык, такіх як памер спор, яны адрозніваюцца і макраскапічна — сапраўдны M. viride мае жоўты да аліўкавага колер і аддае перавагу вільготным месцапражыванням (напрыклад, на вільготнай зямлі вакол ручаёў, часта сярод пячоначных імхоў), у той час як M. griseoviride мае больш халодныя колеры, ад шаравата-зялёнага да шыза-зялёнага і расце далёка ад вады ў падсцілцы з шыракалістых дрэў[1]. Вакол Microglossum nudipes ёсць таксама група зялёна-блакітных відаў, якія маюць ножку без лускі і звычайна сустракаюцца на лугах і пашах. Па стане на 2018 год у выніку працяглага даследавання іх разнастайнасці нядаўна апісана пяць новых відаў з Еўропы[2][3].
_Gillet_233769.jpg)
_Gillet_228862.jpg)