Авулярыя

Авуля́рыя (Ovularia) — род недасканалых грыбоў сямейства Mycosphaerellaceae.

Авулярыя
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Dothideomycetes Парадак:  Капнадыяльныя Сямейства:  Mycosphaerellaceae Род:  Авулярыя
Міжнародная навуковая назва
Ovularia Sacc., 1880
Сістэматыка на Віківідах Пошук выяў на Вікісховішчы EOL   16659 MB   9181

Апісанне

Паразіты. Развіваюцца на лісці, радзей сцяблах, выклікаюць плямістасць раслін.

Міцэлій грыбоў бясколерны, разгалінаваны, шматклетачны, унутры субстрату. Канідыяльны налёт парошысты, белы, ружаваты, шараваты. Канідыяносцы прамыя або каленчата-звілістыя, вузлаватыя, аднаклетачныя ці з нямногімі перагародкамі, бясколерныя аба з жаўтавата-зеленаватым адценнем, у пучках ці адзіночныя. Канідыі рознай формы, адзіночныя, зрэдку ў ланцужках.

Віды

Вядома каля 130 відаў, пашыраных пераважна ў Еўропе і Паўночнай Амерыцы. На тэрыторыі Беларусі 5 відаў; паразітуюць на шчаўі, злаках, казяльцовых, ружавых.

• Ovularia decipiens — Авулярыя абманлівая
• Ovularia monosporia — Авулярыя манаспоравая
• Ovularia pulchella — Авулярыя прыгожая
• Ovularia shroeteri — Авулярыя Шрэтэра

Літаратура

• Прусакова В. Авулярыя // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 23. — 575 с., іл. — 10 000 экз.